မန္တလေးတိုင်းဒေသကြီး၊ အစိုးရအဖွဲ့မှသာသနာတော်နှစ် ၂၅၆၅ နှစ် ပြည့်ပြီး ၂၅၆၆ နှစ်သို့ ရောက်ရှိမှု အထိမ်းအမှတ်နှင့် နိုင်ငံသူနိုင်ငံသားများ ဘေးအန္တရာယ် ကင်းရှင်းစေရန် ရည်ရွယ်၍ ကောဇာသက္ကရာဇ် ၁၃၈၄ ခုနှစ် ကဆုန်လပြည့် (ဗုဒ္ဓနေ့)(၁၄-၅-၂၀၂၂)ရက်၊ စနေနေ့၊ နံနက် ၆ နာရီ နေ့ထူးနေ့မြတ် အခါသမယတွင် မန္တလေးမြို့ လေးပြင်လေးရပ်ရှိ ဆရာတော် သံဃာတော် (၁၀၂၆၄)ပါးတို့အား ဆွမ်း၊ ဆွမ်းဟင်း၊ လှူဖွယ် ပစ္စည်းများနှင့် နဝကမ္မဝတ္ထုငွေ လောင်းလှူပွဲ အခမ်းအနားကို မန္တလေး နန်းမြို့ရိုး လေးပြင်လေးရပ် ကျုံးအရှေ့ဘက်၊ တောင်ဘက်၊ အနောက်ဘက်နှင့် မြောက်ဘက်တို့တွင် ကျင်းပပြုလုပ်ခဲ့သော ပုံများကို ဖော်ပြပေးလိုက်ပါတယ်ရှင် ။
ယခုနိုင်ငံရေးအပြောင်းအလဲကြားမှာ ဗုဒ္ဓရဟန်းသံဃာတော်များကို အကြမ်းဖက်ခံနေရပြီး အသက်ဆုံးရှုံး ပျံလွန်တော်မူသော သံဃာအရည်အတွက် အပါး ၄၀ ကျော်ရှိပြီဟု လူမှုကွန်ယက်သတင်းများအရကြားသိရတဲ့အတွက် များစွာ စိတ်ထိခိုက် ပူဆွေးရပါတယ်ရှင် ။
နိုင်ငံရဲ့ လူဦးရေ အများဆုံး ကိုးကွယ်ယုံကြည်ရာ ဒီမိုကရေစီ၏ စံတန်ဖိုးဖြစ်သော လူများစုတို့၏အရေးကို အလေးအနက် လုပ်ဆောင်ပေးခြင်းသည် အင်မတန်သင့်လျော်မှန်ကန်ပါတယ်ရှင် ။
မြန်မာ့လူများစုတို့၏ကိုးကွယ်ယုံကြည်မှုဆိုင်ရာ သာသနာတွင် ကြုံတွေ့နေရသော မိစ္ဆာကျွန်လက်ပါးစေ
အုပ်စုများ၏ အန္တရယ်ပေးမှုများမှ ထိထိရောက်ရောက် ကာကွယ်ပေးပါရန် လိုအပ်နေပါကြောင်း ယခုလို ဗုဒ္ဓနေ့ထူးနေ့မြတ်မှာ တာဝန်ရှိသူ အသီးသီးတို့ကို လေးစားစွာ အသိပေးလိုပါတယ်ရှင် ။
သာသနာသားတော်ရဟန်းသံဃာတော်များ ဘေးကင်းသက်ရှည်စွာဖြင့် သာသနာ့ဝန်ကို ခန္ဓာ့ဝန်ကို ထမ်းရွက်နိုင်ကြပါစေ ကြောင်း ရိုသေစွာ လျှောက်တင်ပါတယ် အရှင်
ဘုရားတို့ ။ 🙏🙏🙏
ဗုဒ္ဓနေ့မှာ မင်း နှင့် ပြည်သူ အမျိုးကောင်းသား |အမျိုးကောင်းသမီးတို့----
သာသနာကို ကာကွယ်စောင့်ရှောက်ကြပါစို့လို့ တိုက်တွန်းနိုးဆော်လိုက်ပါတယ်ရှင် ။🙏
လေးစားလျက်🙏
နန်းမြမြမီမီဇော်🙏
၂၀၂၂ ခုနှစ် မေလ ၁၄ ရက် ။
Photo crd::
