နုနုနယ်နယ် ချစ်စဖွယ်ပင်
တောကောင်ငယ် ပလီပလင်ရယ်က
ဘဝင်ကိုဆွလို့ ကယုကယင်။
အိမ်တွင်သဖို့ သူတမင်မွေး
သားမောင်အသွင် ချစ်ခင်ထွေးခဲ့ပ
လူယဉ်ကျေးရဲ့. မေတ္တာ။
ကြည်နူးရ ချိန်ရှည်ကြာ
သည်ရင်မှာ ကြင်ကြင်နာပိုက်ထွေး
သံယောဇဉ် ချည်ခင်ရစ်ပါသေးတော့တယ်
တိုးလို့ပင်သာ။
အရိုင်းကိုတဲ့. ယဉ်စေရာ
စွမ်းပါသလေ သူထင်ခဲ့
ကံမျက်လှည့် ဥာဏ်မယှဉ်တယ်
သတိမဝင် ဘဝဆုံး
မြို့တောင်ငူ ဝံနှစ်ကောင်ထုံးကို
ကိုယ်တော်ရှင် ယူငင်သုံးပါတော့။
လွှာလွှာသင် ဥာဏ်ထွင်မဖြုန်းလေနဲ့
ကံချော်လျှင် ဘုရင်ပင်ကိစ္စတုံးမှာမို့
တောကောင်ရှင် အခွင့်မသာပြုံးကို
ယဉ်တော်ဝင် လာမည်ထင်ကာမျှော်လို့
ကဗြက်ကချော် ကညော့ကာမပျော်လေနဲ့
ခါမတော်မသာပေါ် နတ်ရွာမနီးရအောင်
ကဲ!---ရွာစားငယ် ပေါင်းပါတို့ရယ်နဲ့
ပတ် ကြမ်း တိုက် တီး။
🇲🇲သက်နိုင်ဦး(ကျည်ကာ)🇲🇲
(၈-၄-၂၀၂၂)(၀၉:၀၀)နာရီ
