တောင်ကြီး၊ဖေဖော်ဝါရီ-၁(PeopleMedia)
ယနေ့ မွန်းလွဲပိုင်းက ရှမ်းပြည်နယ်၊တာချီလိတ်မြို့၌ တပ်မတော်ထောက်ခံပွဲ ပြုလုပ်နေစဉ် လက်ပစ်ဗုံးဖြင့် ပစ်ခတ်ခံရပြီး ထောက်ခံပွဲ၌ ပါဝင်သူ ၂ဦးသေဆုံး၊၄၀ဦး ဒဏ်ရာရရှိခဲ့ပါတယ်။
"တပ်မတော်ထောက်ခံပွဲလုပ်တာ လူဦးရေ ၇၀၀ကျော်ပါ။ထောက်ခံပွဲပြုလုပ်တဲ့နေရာကို လက်ပစ်ဗုံးနဲ့ ပစ်သွားတာ။နှစ်ဦးဆုံးသွားတယ်။ဒဏ်ရာ ရတာ ၄၀လောက် ရှိနိုင်ပါတယ်"လို့ မြို့ခံတစ်ဦးက ပြောသည်။
တပ်မတော်ထောက်ခံပွဲကို တာချီလိတ်မြို့၌ ဒုတိယနေ့အဖြစ် ရှမ်းရိုးမကွင်း၌ ယနေ့ မွန်းလွဲပိုင်းက ပြုလုပ်ခဲ့တာလည်း ဖြစ်ပါတယ်။
"ထောက်ခံပွဲကို ပစ်လိုက်တဲ့ မပေါက်ကွဲသေတဲ့ လက်ပစ်ဗုံးနှစ်လုံးလည်းတွေ့ရတယ်။အဲ့ဒါကို တာဝန်ရှိသူတွေက ရှင်းလင်းလိုက်တယ်"လို့ မြို့ခံ တစ်ဦးက ပြောပါတယ်။
ဖေဖော်ဝါရီ ၁ရက်နေ့၌ တပ်မတော်ထောက်ခံပွဲကို နေပြည်တော်ကောင်စီနယ်မြေအပါအဝင်၊တိုင်းဒေသကြီး/ပြည်နယ်များ၌ ပြုလုပ်ခဲ့ပါတယ်။
Photo-ရှမ်းအရှေ့သတင်းမဏ္ဍိုင်
#PeopleMedia #တာချီလိတ်