ညနေစောင်းမှ ကိုစိုးရယ် လူတယောက်ရယ် ရောက်လာလို့ အိမ်မှာပဲ လေကန်ကြပါတယ် ။
"ငမျိုးရေ ဒါ မိတ်ဆွေ ပဲ မင်းရေးတဲ့ မြင်းခြံမြို့ သမိုင်းကြောင်း ဖတ်ပြီး သူသိချင်နေတဲ့ ငါတို့မြို့က အခြားမြို့တွေ နဲ့ မတူတဲ့ အသုံးအနှုံးတွေ အကြောင်း မေးချင်တယ်ဆိုလို့ ခေါ်လာတာ ကွ ''
"သြော် သိတော့လည်း ဖြေရတာပေါ့ ဗျာ မသိတော့လည်း မတတ်နိုင်ဘူး နော ''
"ရပါတယ် သိတာပဲ ဖြေပါဗျာ ဒီလိုဗျ တို့ဟူး ဆိုတာကို မြင်းခြံတမြို့ပဲ သုံးနေတဲ့ ချဥ်စော်ကား ဆိုတဲ့ အသုံးက ဘာကြောင့် လဲ ဗျ ''
"ဒီလိုဗျ ဟိုတုန်းက တို့ဟူး ကြိုပြီဆိုရင် ကုလားပဲကို ပြုတ်ပြီး ကျေညက်သည်အထိ မွှေပေးရတယ် အရောင်အတွက် ဆနွင်း နဲ့ ဆီကို ထည့်ရသေးတယ် ၊ မွှေရင်းနဲ့ အရောင်က ချဥ်စော်ကားသီးရောင် ဝါပြောင်လာရင် ချလို့ရပြီ ၊ အဲဒါကြောင့် တိုဟူးကို မြင်းခြံက ချဥ်စော်ကားလို့ ခေါ်ခဲ့ကြရင် သားစဥ်မြေးဆက် ခေါ်ဝေါ်နေကြတာကြောင့် ဗျ ''
"သြော် ဒီလိုကိုး နောက်တခုဗျာ ကုလားပဲ ခွေကို မြင်းခြံတမြို့ပဲ ကြူကြူဝါးလား လို့ ခေါ်တာလဲ ဗျ ''
"အင်း အဲဒါ မြင်းခြံသားတွေက ဆူညံသံကို အစွဲပြု ခေါ်တာဗျ အဲဒီ ကုလားပဲခေါင်း အတုတ်က ဝါးလိုက်တိုင်း ဂျိုးဂျိုး ဂျွတ်ဂျွတ် အသံကြီးက အကျယ်ကြီး ကြားရလို့လေ ''
"ကြူကြူ ဆိုတာကရော ''
"ကြူကြူဆိုတာ ဆူညံသံကို ခေါ်တာဗျ ခင်ဗျားကြားဖူးတဲ့ ကြူကြူပါအောင် ငိုးနေသည် ဆိုတာမျိုလေ ကြူကြူဆိုတာ ဆူညံနေအောင် ငိုသည်လို့ အဓိပ္ပါယ်ရတာနဲ့ ချိတ်ကြည့်ပေါ့ ''
"အင်း ဒါလည်း အဓိပ္ပါယ်ရှိတဲ့ အခေါ်အဝေါ် ပဲ ဗျ ''
"ကဲ မိုးချုပ်နေပြီ နောက်နေ့ မှ သိချင်တာ ရှိရင်လည်း ဆက်မေးတော့ဗျာ ကျနော်တို့ မြို့က ထူးခြားတဲ့ အခေါ်အဝေါ်တွေ အများကြီးပါဗျာ ကျနော်လည်း စိတ်ဝင်စားလို့ ရှာဖွေ မှတ်သားထားပါတယ် ''
"OK ပြန်ပြီဟေ့ ''
ကိုရွှေမျိုးဝင်း
(အေးချမ်းတဲ့ တနေ့မှာ မိတ်ဆွေတွေကို မြင်းခြံရဲ့ နာမည်ကြီး ပလာတာသုတ် နဲ့ အကောင်းစား စတော်ဘယ်ရီဒိန်ချဥ် နဲ့ ဧည့်ခံရင်း မြင်းခြံလေသံလေးတွေ တဝကြီး နားထောင်စေချင်ပါတယ် ဗျာ)