တိုက်ပွဲတွေဖြစ်နေတဲ့နေရာကို တမ ကြီးတွေလွှတ်
လိုက်ပြီဆိုတော့၊ facebook ပရိတ်သတ်ကြီးက အပြုတ်ဆော်ပစ်၊ ချကြ ဆိုပြီး လက်ခုပ် လက်ဝါးတီး အားပေးတယ်။
ဓမ္မာရုံထဲမှာ ရှေ့တန်းထွက်တပ်ရင်းက ရဲမေတွေက
ကိုယ့်လင်သားတွေ အန္တရာယ်ကင်းပါစေဆိုပြီး
ပရိတ်သံကို အကျယ်ဆုံးရွတ်တယ်။
တောရွာလေးတစ်ခုမှာနေတဲ့ အမေအိုတစ်ယောက်က ရှေ့တန်းထွက်သားတော်မောင် ဘေးကင်းပါစေဆိုပြီး ဘုရားစင်ရှေ့မှာ စိပ်ပုတီးတစ်ဖက်ကိုင်ရင်း ဆုတောင်းတယ်။
စာသင်ခန်းထဲက ကလေးငယ်တစ်ယောက်ကတော့
အဖေ၊ တိုက်ပွဲတွေကြားမှာ ဘာမှမဖြစ်ပါစေနဲ့လို့
ခပ်တိုးတိုးရွတ်ရင်း စာအုပ်ပေါ်ကို မျက်ရည်ကျတယ်။
ရန်သူ့နယ်မြေထဲက ရွာသူရွာသားတွေကတော့
ဒီတစ်နှစ်လဲ စိုက်ခင်းတွေပစ်ထားခဲ့ရပြန်ပြီဆိုပြီး
အထုပ်အပိုးတွေ သိမ်းတယ်။
အခွင့်အရေးသမားတစ်ချို့ကတော့ စစ်ပွဲတွေရပ် စာတမ်းကပ်ထားတဲ့ တီရှပ်တွေကို
ဆန္ဒဖော်ထုတ်ပွဲ လုပ်ရောင်းမယ်ဆိုပြီး
တံဆိပ်ရိုက်ဆိုင်ကို ပြေးတယ်။
သူပုန်အားပေး နိုင်ငံရေးသမားတစ်ချို့ကတော့
တပ်မတော်ဘက်က တစ်ဖတ်သတ် အပစ်အခတ်ရပ်စဲပါ ဆိုပြီး ခပ်မာမာပြောတယ်။
မီဒီယာတွေကတော့ ငွေပုံပေးတဲ့သောင်းကျန်းသူကို
တိုင်းရင်းသားလက်နက်ကိုင်၊ ဘယ်တိုင်းရင်းသား တပ်မတော်ဆိုပြီး အမွှမ်းတင်ရေးတယ်။
ငြိမ်းချမ်းရေးဆိုတဲ့ စကားလုံးအောက်မှာ
မြေမြုပ်မိုင်းတွေ၊ ရီမုဒ်မိုင်းတွေ အပြည့်၀ယ်ထားတဲ့
သောင်းကျန်းသူတွေက လာစမ်းပါစေ ဆိုပြီး
ခနဲ့တဲ့တဲ့ပြုံးတယ်။
စစ်ကားကြီးပေါ်ပါသွားတဲ့ စစ်သားတစ်ယောက်က
ရဲရဲတောက်သီချင်းကို မျက်စိစုံမှိတ်ဆိုရင်းပေါ့
နွေ၊ မိုး၊ ဆောင်းရဲ့ အပူ/အအေးဒဏ်တွေကြားမှာ
သူတို့တွေ ရယ်မောနေကြလေရဲ့.....💚
#Credit
