ဖုန်း အမှတ် (၆၅)လုံး၏ ပိုင်ရှင်အမည်များ ကိုယ်ရေးအချက်အလက်များကို ဖော်ထုတ်ပေးရန် ဗဟိုဘဏ်မှ ဘဏ်များအားလုံးနှင့် မိုဘိုင်းငွေရေးကြေးရေးဝန်ဆောင်မှုလုပ်ငန်းများထံ တောင်းခံ

ရန်ကုန်၊နိုဝင်ဘာ-၂၆(PeopleMedia)

ငွေကြေးခဝါချမှုတိုက်ဖျက်ရေးဗဟိုအဖွဲ့၏ ရည်ညွှန်းချက်အရ ဖုန်း အမှတ် (၆၅)လုံး၏ ပိုင်ရှင်များနှင့်သက်ဆိုင်သည့် ကိုယ်ရေးအချက်အလက်များကို ဖော်ထုတ်ပေးရန် ဗဟိုဘဏ်က နိုဝင်ဘာ ၂၄ ရက်နေ့၌ ဘဏ်များအားလုံးနှင့် မိုဘိုင်းငွေရေးကြေးရေးဝန်ဆောင်မှု လုပ်ငန်းများထံ အချက်အလက် တောင်းခံသည့်စာ လူမှုကွန်ရက်၌ ထွက်ပေါ်လာပါတယ်။

ဗဟိုဘဏ်မှ ဘဏ်များအားလုံးနှင့် မိုဘိုင်းငွေရေးကြေးရေးဝန်ဆောင်မှုလုပ်ငန်းများထံ ပေးပို့သည့် စာ၌ ဖုန်းအမှတ် (၆၅)လုံးဖြင့် နိုင်ငံပိုင်ဘဏ်များ၊ ပုဂ္ဂလိကဘဏ်များအားလုံးနှင့် မိုဘိုင်းငွေရေးကြေးရေးဝန်ဆောင်မှုပေးသူများ၌ Account များ ဖွင့်လှစ်ထားခြင်း ရှိ/မရှိ စီစစ်၍ ဖွင့်လှစ်ထားမှု ရှိပါက ကိုယ်ရေးအချက်အလက်၊ဘဏ်ငွေစာရင်း ရှင်းတမ်းနှင့် ငွေသွင်း/ငွေထုတ် မပြုလုပ်နိုင်ရေး ယာယီတားဆီးရန် ဖော်ပြထားပါတယ်။

 

အဆိုပါ ဖုန်းအမှတ် (၆၅)လုံးဖြင့် သက်ဆိုင်သည့် အချက်အလက်များကို နိုဝင်ဘာ ၂၄ ရက်မှစတင်၍ အလုပ်လုပ်ရက် ၃ရက်အတွင်း ဆောလျင်စွာ စီစစ်ပြန်ကြားပေးရန် ဗဟိုဘဏ်မှ နိုင်ငံပိုင်ဘဏ်များ၊ ပုဂ္ဂလိကဘဏ်များအားလုံးနှင့် မိုဘိုင်းငွေရေးကြေးရေးဝန်ဆောင်မှုပေးသူများထံ ညွှန်ကြားထားပါတယ်။

Photo-ဗဟိုဘဏ်မှ နိုင်ငံပိုင်ဘဏ်များ၊ ပုဂ္ဂလိကဘဏ်များအားလုံးနှင့် မိုဘိုင်းငွေရေးကြေးရေးဝန်ဆောင်မှုပေးသူများထံ ပေးပို့သည့် စာ

#PeopleMedia #ဗဟိုဘဏ် #ငွေကြေးခဝါချမှုတိုက်ဖျက်ရေးဗဟိုအဖွဲ့