နေပြည်တော် နိုဝင်ဘာ ၂၄
အာဆီယံအပေါင်း တရုတ်၊ ဂျပန်၊ ကိုရီးယား ခရီးသွားလုပ်ငန်းဆိုင်ရာ တက္ကသိုလ်နှင့် သက်မွေးပညာသင်တန်းကျောင်းများ ကွန်ရက်ဖိုရမ် -၂၀၂၁ (ASEAN Plus Three Tourism Training and Education Network–APTTTEN Forum 21) ကို နိုဝင်ဘာ ၂၃ ရက် နှင့် ၂၄ ရက်တို့တွင် အင်ဒိုနီးရှားနိုင်ငံက အိမ်ရှင်အဖြစ် ဗီဒီယိုကွန်ဖရင့်စနစ်ဖြင့် လက်ခံကျင်းပသည်။
အဆိုပါဖိုရမ်သို့ အာဆီယံ၊ တရုတ်၊ ဂျပန်နှင့် ကိုရီးယား ခရီးသွားလုပ်ငန်းအာဏာပိုင် အဖွဲ့များမှ အဆင့်မြင့်အရာရှိကြီးများ၊ အာဆီယံအဖွဲ့ဝင်နိုင်ငံများမှ ကိုယ်စားလှယ်များ၊ ဧည့်ဝန်ဆောင်မှုနှင့် ခရီးသွားလုပ်ငန်းဆိုင်ရာတက္ကသိုလ်များနှင့် သက်မွေးပညာသင်တန်း ကျောင်းများမှ ကိုယ်စားလှယ်များ၊ ပုဂ္ဂလိကခရီးသွားလုပ်ငန်းဆိုင်ရာအဖွဲ့အစည်းများမှ ခရီးသွားလုပ်ငန်းလုပ်ကိုင် ဆောင်ရွက်နေသူများ စုစုပေါင်းကိုယ်စားလှယ် (၇၁၀) ခန့် ပါဝင် တက်ရောက်ခဲ့ကြပြီး မြန်မာနိုင်ငံမှ ဟိုတယ်နှင့်ခရီးသွားညွှန်ကြားမှုဦးစီးဌာနမှ ညွှန်ကြား ရေးမှူးချုပ်နှင့် ဝန်ကြီးဌာနမှ တာဝန်ရှိသူများ၊ မန္တလာတက္ကသိုလ်(မန္တလေး)နှင့် အမျိုးသား စီမံခန့်ခွဲမှုဒီဂရီကောလိပ်(ရန်ကုန်)မှ ဆရာ/ဆရာမများ၊ ခရီးသွား လုပ်ငန်းဖွံ့ဖြိုး တိုးတက်ရေး ဗဟိုဌာန(ရန်ကုန်) နှင့် မြန်မာနိုင်ငံခရီးသွားလုပ်ငန်းအဖွဲ့ချုပ်နှင့် ညီနောင် အသင်းများမှ ကိုယ်စားလှယ်များ ပါဝင်တက်ရောက်ခဲ့ကြကြောင်း သတင်းရရှိသည်။
#mhtnews
