နို၀င်ဘာ - ၂၆ - ၂၀၂၁
သတင်းနှင့်ဓာတ်ပုံ - ကရင်အမျိုးသားမီဒီယာ
ကရင်ပြည်နယ် မြ၀တီခရိုင်အခြေစိုက် ဒီမိုကရေစီအကျိုးပြု ကရင်တပ်မတော် (DKBA) ဌာနချုပ်တွင် ကျင်းပပြီးစီးခဲ့သည့် (၁၅) ကြိမ်မြောက် တပ်မှူးမျာအစည်းအဝေးတွင် ယခင်ကတပ်ဖွဲ့၀င်ဟောင်းတဦးဖြစ်သည့် စောဆန်းအောင်ကို အခြေချစစ်ဗျူဟာ၏ ဗျူဟာမှူးအဖြစ် တာ၀န်ပေးခန့်အပ်လိုက်သည်။
အခြေချစစ်ဗျူဟာ၏ ဗျူဟာမှူးတာ၀န်သည် ဗိုလ်မှူးကြီးအဆင့်ဖြစ်သည်။
ဗျူဟာမှူးတာ၀န်ပေးအပ်ခြင်းခံရသည့် စောဆန်းအောင်သည် ယနေ့မှစတင်ကာ တာ၀န်များကို စတင်ထမ်းဆောင်မည်ဖြစ်သည်။
တာ၀န်ပေးအပ်ခံရသည့်ကိစ္စနှင့်ပတ်သက်၍ စောဆန်းအောင်က ကရင်အမျိုးသားမီဒီယာ (K N M ) သို့ ယနေ့မွန်းလွဲပိုင်းတွင် အတည်ပြုပြောဆိုခဲ့သည်။
(၁၅) ကြိမ်မြောက် တပ်မှူးများအစည်းအဝေးကို ယခုလ (၂၄) ရက်နေ့မှ (၂၅) ရက်နေ့ထိ ဌာနချုပ်တည်ရှိရာ ဆုံဆည်းမြိုင်တွင် ကျင်းပခဲ့ခြင်းဖြစ်သည်။
ဒီမိုကရေစီအကျိုးပြု ကရင်တပ်မတော် (DKBA) ၏ လစ်လပ်နေသော ဒုတိယစစ်ဦးစီးချုပ်တာ၀န်ကိုမူ ဗိုလ်မှူးချုပ်စောတာခူး အား တပ်မှူးများအစည်းအဝေးက ခန့်အပ်တာ၀န်ပေးအပ်ခဲ့သည်။
ဒီမိုကရေစီအကျိုးပြု ကရင်တပ်မတော် (DKBA) ၏ လက်ရှိစစ်ဦးစီးချုပ်မှာ ဗိုလ်ချုပ်ကြီးစောစတီး ဖြစ်သည်။
ဓာတ်ပုံ - စောဆန်းအောင် ။
သတင်း#ကရင်အမျိုးသားမီဒီယာ
Cc- ကိုနောင်
TRMH
27.11.2021
