~မိသားစုတွင်း
~အချင်းချင်း
~စစ်ခင်းရတဲ့ ငါတို့ခေတ် ။
~တအူတုံဆင်း
~မောင်နှမရင်း
~အချင်းများတဲ့ ငါတို့ခေတ် ။
~တံခါးဂျက်ထိုး
~မယုံကိုး
~ဓါးမိုးအိပ်တဲ့ ငါတို့ခေတ် ။
~ခရီးတူသြား
~ရှေ့ကထား
~နောကျောယားတဲ့ ငါတို့ခေတ် ။
~ငယ်ပေါင်းကြီးဖော်
~လမ်းတွေ့သော်
~မခေါ်ရဲတဲ့ ငါတို့ခေတ် ။
~နိုင်ငံသားချင်း
~ရန်လိုခြင်း
~အငြင်းပွားတဲ့ ငါတို့ခေတ် ။
~တွေ့ဆုံဆွေးနွေး
~နိုင်ငံရေး
~အသက်ဘေးနီးတဲ့ ငါတို့ခေတ် ။
~ရန်ဖြစ်ပြန်ချစ်
~ဟန်ဆောင်ရစ်
~အလစ်မပေးရဲတဲ့ ငါတို့ခေတ် ။
~မလိုဂတုံး
~လိုရင်ဘုန်း
~လူဖြစ်ရှုံးတဲ့ ငါတို့ခေတ် ။
~ဘာသာစော်ကား
~သာသနာစော်ကား
~အဝီစိရောက်မဲ့ ငါတို့ခေတ် ။
~ငါနှင့်မတူ
~ငါ့ရန်သူ
~ရန်မူကြတဲ့ ငါတို့ခေတ် ။
~ပထွေးအလို
~အကဲပို
~ခွေးလိုမိုက်တဲ့ ငါတို့ခေတ် ။
~လူဖြစ်လည်းရှုံး
~အညွှန့်တုံး
~စောက်သုံးမကျတဲ့ ငါတို့ခေတ် ။
~ပြို ကွဲပျက်ယွင်း
~စစ်တလင်း
~အချင်းချင်းချတဲ့ ငါတို့ခေတ် ။
~တိုင်းပြည်ပျက်သုဉ်း
~နိုင်ငံလုံး
~ပြာဖုံးရမဲ့ ငါတို့ခေတ် ။
~ပြို ကွဲရေးဆီ
~လှမ်း၍ချီ
~တိုင်းပြည်ပျက်မဲ့ ငါတို့ခေတ် ။
~အိမ်တွင်းရန်ပွဲ
~ဆူညံကြဲ
~ယိုင်လဲတော့မဲ့ ငါတို့ခေတ် ။
~ဟင်္သာကိုးသောင်း
~ပျက်ဆီးကြောင်း
~ကောင်းကောင်းနောင်တရမဲ့ခေတ် ။
Credit -