.…………………………………
သောကြာနေ့ ကုလသမဂ္ဂအစည်းအဝေးတွင် အစ္စရေးနိုင်ငံ အမြဲတန်းသံအမတ်ကြီး_ဂီလတ်_အာဒမ်သည် လူ့အခွင့်အရေးကောင်စီ၏ ဂျူးနိုင်ငံအပေါ် တရားမမျှတမှုကို ပြစ်တင်ရှုတ်ချလိုက်ပြီး စင်မြင့်ပေါ်တွင် မ်ိန့်ခွန်းပြောကြားနေခိုက် UNHRC ၏ နှစ်လည်အစီရင်ခံကို ဆုတ်ဖြဲခဲ့သည်ဟု Times of Israel (30 October 2021) က ရေးသားသည်။
...
နှစ်ပတ်လည်အစီရင်ခံစာကို တင်သွင်းသည် အထူးအစည်းဝေး၌ UNHRC သည် ဂျူးဆန့်ကျင်ရေး ဘက်လိုက်မှု၌ အစွဲအလမ်း ကြီးလွန်းနေကြောင်း အစ္စရေးသံအမတ်ကြီးက ပြောဆိုလိုက်ပြီး ကောင်စီဖွဲ့စည်းခဲ့သည့် ၁၅-နှစ် တာ ကာလအတွင်း အခြားနိုင်ငံအားလုံးပေါင်းနှင့် နှိုင်းယှဉ်ပါက ၁၄၂ မှုတွင် ဆုံးဖြတ်ချက် ၉၅ ခုမှာ အစ္စရေးနိုင်ငံအပေါ် ပစ်မှတ်ထားခြင်း ဖြစ်နေကြောင်း၊ အီရန်ထက် ၁၀ ဆ သို့မဟုတ် ဆီးရီးယားထက် ၃၅ ဆ မက တဲလ်အဗီအား အပြစ်တင်ရန် ကောင်စီက ဆုံးဖြတ်ခဲ့ကြောင်း ထောက်ပြလိုက်သည်။
..
ထိုသို့ အခြေအနေရှိခြင်းကြောင့် အားလုံးအတွက် အလွန်အကျုံး၀င်သော ဂျူးလူမျိုးတို့၏ အမျိုးသားအိမ်ရာပိုင်ဆိုင်ခွင့်ကို လူမျိုးရေးခွဲခြားမှုဟု ကြေညာခြင်းဖြင့် ပြောင်းပြန်လှန်ကာ တမင် ဆုံးဖြတ်ခဲ့ကြောင်း၊ ထိုစဉ်က အစ္စရေးသံအမတ်ကြီးဖြစ်သူ ဟိုင်း_ဟာဇော့သည် အဆိုပါ ဆုံးဖြတ်ချက်အား ကုလသမဂ္ဂတွင် ဆုတ်ဖြဲပစ်ခဲ့ကြောင်း၊( နောင် တဲလ်အဗီသမ္မတဖြစ်သွားခဲ့သူ) သံအမတ်ကြီး ဟာဇော့၏ ၁၉၇၅-ခုနှစ် နို၀င်ဘာမိန့်ခွန်းကို ပြန်လည်ရည် ညွှန်းကာ ဂျူးမုန်းတီးရေးနှင့် တစ်ဖက်သပ်ဆန်သည့် အစီရင်ခံစာများအပေါ် မည်ကဲ့သို့ လုပ်ဆောင်ရမည်ကို ပြသခြင်းပင်ဖြစ်ကြောင်း အစ္စရေးသံအမတ်ကြီးက ပြောကြားသည်။
..
အစီရင်ခံစာ၏ အဓိကဆိုလိုသည့် အချက်မှာ ဂျူးမုန်းတီးရေး အမှိုက်ပုံးအတွင်း၌သာ ရှိနေကြောင်း UNHRC ၏ အစီရင်ခံစာကို ဆုတ်ဖြဲ၍ အစည်းအဝေးခန်းမမှ မထွက်ခွာမီ အစ္စရေးအမြဲတန်းသံအမတ်ကြီး ဂီလတ်အာဒမ်က ကုလသမဂ္ဂစင်မြင့်ထက်၌ မှတ်ချက်ပြုခဲ့သည်။
credit:Htay Oung
