▪️ဒီတော့ ခံစားချက်လေးဘယ်လိုနေကြသတုန်း။
▪️ဒီလူတွေကို ငါးထောင်စားလို့စွပ်စွဲရအောင်ကလည်း
ဒီလိုညီအောင်လျှောက်ကြဖို့က
မလွယ်ကူတာလူတိုင်းသိတယ်။
လက်နက်တွေက အင်တွေပါလို့ပြောရအောင်ကလည်း
ဒီလက်နက်တွေဟာ ကျည်တကယ်
ထွက်မထွက်ဆိုတာ အပစ်ခံကြည့်မှသိရမှာလေ။🥴
▪️တိုင်းပြည်မှာနေပြီး
ဆူပူတော်လှန်နေသူတွေကို မေးချင်တာပါ။
▪️ဘာဆက်လုပ်ကြမှာလဲဟင်?
▪️ကြည့်ရတာ အိမ်စောင့်အစိုးရကတော့
သူ့မူဝါဒအတိုင်း အကြမ်းဖက်ကို နှိမ်နင်းမယ်။
ရွေးကောက်ပွဲပြန်လုပ်ပေးမယ်ဆိုတဲ့
လမ်းကြောင်းကနေ သွေဖီစရာအကြောင်း
တစ်စိတောင်မမြင်ပါဘူး။
▪️ဘာလို့လဲဆိုတော့ သူ့မူဝါဒကိုကာကွယ်ပေးမယ့်
လူသူလက်နက်အပြည့်နဲ့ စစ်တပ်ကသူ့ရှေ့မှာ
သက်ရှိထင်ရှားရှိနေတာမို့လေ။
▪️အခုလို အကြမ်းဖက်လူသတ်နေတာတွေကလည်း
အစိုးရကိုထိခိုက်တာနည်းနည်း
ပြည်သူချင်းထိခိုက်တာများများ
ဖြစ်နေတာမြင်ကြတာပဲ။
▪️တကယ်ထိခိုက်နေတာက ဘောမနဲ့ ထမီခြုံ
ကြားနေနဲ့ တော်လှန်ရေးဘက်ရပ်တည်သူတွေပါပဲ။
ဆိုရရင်တော့ ကျွဲနှစ်ကောင်ဖြစ်တဲ့
အိမ်စောင့်အစိုးရနဲ့ NUG ကခွပ်မနေပါဘူး။
နှစ်ဖက်လုံးအေးဆေးပါ။
▪️ကြားထဲက မြေဇာပင်ဖြစ်တဲ့
ငါတို့တွေသာ ခွပ်နေရတာပါ။
▪️ငါတို့တွေးရမှာက ဘာဆက်လုပ်ကြမလဲ?
▪️အခုအတိုင်းဆက်သွားရင်တော့
ဘောမ၊ ကြားနေ၊ နီပိတ် စတာတွေဟာ
အလှည့်ကျသေမယ်။
နီပိတ်တို့ကတော့ ပိုထူးတယ်။🥴
သေတာအပြင် စည်းစိမ်ပါအသိမ်းခံရမယ်။
ထောင်နှစ်ရှည်ကျမယ်ဆိုတာထိ ဖြစ်ပေါ်လိမ့်မယ်။
▪️ဘာလို့လဲဆိုတော့ သူတို့တိုက်နေတဲ့မြေပေါ်က
အစိုးရဟာ NUG မဟုတ်လို့လေ။
NUG ရဲ့အာဏာစက်သက်ရောက်ခြင်းမရှိတဲ့
တိုင်းပြည်မှာ တော်လှန်ရေးလုပ်နေတာမို့
ထိခိုက်နစ်နာမှုပိုမယ်။
▪️စစ်တပ်ရဲ့အင်အားဟာ ကောလဟာလတွေ
False hopes တွေဝန်းရံကာ
စစ်တပ်ထဲနေသူတွေတောင် မှန်းဆရခက်နေပေမယ့်
ဒီလိုနေ့မှာ အင်အားအနည်းငယ်သာ
ထုတ်ရှိုးလိုက်တာကိုကြည့်ခြင်းအားဖြင့်
ခေါင်းလေးများကောင်းသေးရင်
ဒီစစ်တပ်ဟာအင်အားရော
လက်နက်ပါမနည်းလှတာကို တွေးဆမိမှာပါ။
▪️စစ်တပ်ကိုဝိုင်းတိုက်တာ တစ်နှစ်တောင်ရှိပြီလေ
သူ့အင်အားက မယုတ်လျော့သေးပါလားလို့
မတွေးမိကြဘူးလား။🥴
▪️ဒီလိုပွဲကို တစ်နိုင်ငံလုံးက စစ်သားတွေတော့
ပွဲလာမတက်ဘူးလေ။ အခုပြတာအပြင်
ရှေ့တန်းက အင်အားရှိမယ်။
တပ်တွင်းက အရံစစ်အင်အားရှိမယ်။
စစ်ကျောင်းတွေက အင်အားရှိမယ်။
မြို့အနှံ့ လုံခြုံရေးလိုက်နေရသူအင်အားရှိမယ်။
သေချာတာကတော့ ထုတ်ပြတာလေးကတောင်
ရင်တုန်စရာအင်အားတစ်ခုရှိနေတာ မြင်မှာပေါ့။
▪️တပ်ပျက်တယ်ဆိုတဲ့ဂျင်းကို
တကယ်မတိုက်ရတဲ့ မီဒီယာတွေက
လွယ်လွယ်ထည့်တယ်။
တကယ် တပ်ပျက်မပျက်ဆိုတာ
တကယ်တိုက်နေရသူတွေ အသိဆုံးမို့လား။
▪️ဒီလိုစစ်တပ်တစ်ခုကို
အလှူငွေနှစ်ပဲခြောက်ပြားလိုက်ခံပြီး
စစ်ပညာမကျွမ်းကျင်တဲ့ လူငယ်တွေ
အသက်ကိုရင်းကာဘယ်အချိန်ထိ
ဆက်တိုက်မယ်လို့ တွေးထားကြတုန်း။
▪️အခုဆို သတင်းတွေကြားပါတယ်။
တော်လှန်ရေးအတွက် အလှူငွေကောက်ပေးတဲ့
သူတွေဟာ ရငွေရဲ့ ၂၀% ကို တရားဝင်စားစေသတဲ့။
တရားဝင်နော်။ ဘုံးတာကတော့စိတ်ကြိုက်ပေါ့
ဘယ်သူမှစာရင်းမှ မစစ်ရဲတာ။
နိုင်ငံရပ်ခြားကသူတွေက ပိုမိုက်တာပေါ့။😏
▪️တော်လှန်ရေးဟာ စီးပွားရေးတစ်ခုဖြစ်လာနေပါပြီ။
တိုက်လို့မဖြစ်နိုင်တော့မှန်းသိရက်နဲ့
အတင်းအသက်ဆက်ပြနေတာဟာ
အကျိုးအမြတ်တွေရကြတာမို့ပါ။
တော်လှန်ရေးဆိုတာမရှိတော့ပါ
နိုင်ငံရေးအယူအဆလွဲလို့
ပြည်ပြေးဖြစ်သွားသူများက
တစ်ခုခုကိုအသုံးချကာ ငွေရှာလိုခြင်းပဲ
ကျန်ရှိပါတော့တယ်။
▪️ဒီတော့တွေးကြပါ ဘာဆက်လုပ်သင့်လဲဆိုတာ
မကြာခင်မှာ ရွေးကောက်ပွဲပြန်ရပါ့မယ်။
ပါတီတွေဝင်ပြိုင်ကြမယ်။
ဒီရွေးကောက်ပွဲကိုလည်း သပိတ်မှောက်တာတွေ
လုပ်ပြကြပြီး မဲတစ်ပြားပေးခွင့်တွေ
ဆုံးရှုံးခံကြဦးမှာ မြင်ယောင်ပါတယ်။
▪️ဥပမာတစ်ခုပေးပါ့မယ်။
ဉာဏ်ရှိသလိုတွေးဆကြပါ။
▪️ရေကန်တစ်ကန်ကို မြေဖို့မယ်ဆိုရင်
လိုအပ်တဲ့ ခဲနဲ့သဲအရေအတွက်ဆိုတာရှိတယ်။
▪️ဒီအရေအတွက်အတိအကျကို စနစ်တကျမသိဘဲ
ရသလောက် ခဲလေးနည်းနည်းသဲလေးနည်းနည်းနဲ့
ရေကန်ကို အစမ်းဖို့ကြည့်တယ်။
ဖို့နေရင်းနဲ့မှ မဟန်မှန်းသိလို့
ဆက်မဖို့ဘူးဆိုရင်တောင် ကန်ထဲပစ်ချခံလိုက်ရတဲ့
ခဲလုံးတွေနဲ့ သဲမှုန်တွေကတော့
ရေကန်ထဲမှာ ထာဝရနစ်သွားတာပါပဲ။
▪️၂၁ ဆူပူမှူမှာ သေဆုံးခဲ့ရသူတွေရဲ့
ဘဝကလည်း ထိုနည်းတူပါပဲ။
စနစ်တကျ Plan A , B မရှိပါဘဲ
အစမ်းသဘောနဲ့ထုတ်ကျွေးခဲ့တဲ့
အသက်ပေါင်းများစွာဟာကန်လည်းမဖို့နိုင်
ပြန်လည်းအဆယ်မခံရဘဲ
ရေအောက်ကိုမြုပ်သွားခဲ့ရတဲ့ ခဲနဲ့သဲလိုဖြစ်သွားပါပြီ။
▪️ဒီလိုခဲလေးတွေ သဲလေးတွေကို
ကိုယ့်လက်နဲ့ကိုယ် ရွေးထုတ်ကာ
ဘယ်အချိန်ပြည့်မယ်ဆိုတာမသိနိုင်တဲ့
ကန်ကြီးထဲကို ပစ်ထည့်နေဦးမလား။
▪️တွေးသင့်ပါပြီနော်။
▪️ကိုယ်လုပ်တာ ကိုယ့်သမိုင်းပါ
ဒီစာရေးတာလည်း ငါ့သမိုင်းပါပဲ။
နောင်တစ်ချိန်ကျရင် လူငယ်တွေပြန်ဖတ်တဲ့အခါ
စာရေးသူရဲ့ စေတနာကိုနားလည်နိုင်ကြပါစေ။
#SniperSu
