အလုပ်များနေလို့ရယ် ၊ နိုင်ငံရေးကလည်း ရေးချင်စိတ်ပါးနေတာရယ်ကြောင့် မရေးဖြစ်ပဲ ညမိုးချုပ်မှ လိုင်းဖွင့်ကြည့်လိုက်တော့ အောက်က လင့် ကိုတွေ့ပြီး အံ့သြထိတ်လန့် သွားကပါတယ် ။
ကျနော်တို့ ယဥ်ကျေးမှုတွေ ပျက်ဆီးသွားရပြီလား... ? မိဘ နဲ့ သားသမီး ထားအပ်သော မေတ္တာတရားတို့ကို အမြစ်က တူးနေကြပြီလား ဆိုကာ အမှန်ပဲ လန့်သွားရပါတယ် ။
မိဘကပေါ် ကျေးဇူးတင်စရာ မလိုဘူး ၊ သူတို့ သွေးသားသောင်းကျန်းလို့ လူဖြစ်လာတာ ဆိုတဲ့ တကယ့် အကုသိုလ်အတွေးနဲ့ ငရဲသားတကောင် မြန်မာပြည်မှာ သမ္မတလာဖြစ်ကတည်း ဘုရားတနေမိတာ အခုတကယ် ဖြစ်လာရပါပြီ ။
မိဘတွေ အပေါ် ကျေးဇူးကန်း တဲ့ အတွေးအခေါ် ၊ စော်ကားတဲ့ အရေးအသား အပေါ် ထောက်ခံနေကြတဲ့ မန့် တွေကလည်း ကျနော်တို့ လူ့အဖွဲ့အစည်းကို ဘယ်လောက် အဖျက်ဆီးခံထားရပြီလဲ ဆိုတာ သိနိုင်ပါပြီ ။
အနန္တောအနန္တ ငါးပါးထဲက အရေးကြီးဆုံး အသက်သခင် ဖြစ်တဲ့ မိဘကိုတောင် ဒီလို ကျေးဇူးကန်း စော်ကားတဲ့ အတွေးအခေါ်တွေ လက်ခံနေမှဖြင့် ကျန်တဲ့ ဘုရား ၊ တရား ၊ သံဃာ နဲ့ ဆရာ ဆိုတာ ပြောစရာမလိုတော့ပါဘူး ။
ငယ်ရွယ်နုပျိုသေးတဲ့ ကလေးတွေကို ပြောချင်တာမို့ အခုလို ရေးလိုက်ရတာပါ ။ လောကကြီးမှာ အချို့ အမှန်တရားဆိုတာ နှစ်မျိုးရှိပါတယ် ။ ဒေသဆိုင်ရာ မှန်ကန်ချက် နဲ့ အချို့ အယူအဆ ဆိုင်ရာ မှန်ကန်ချက်တွေမှာ အငြင်းပွားဖွယ် ဖြစ်တတ်ပါတယ် ။
ဒီထဲမှာ ဧကန်မုချ ငြင်းမရတဲ့ အမှန်တရားက ဗုဒ္ဓရဲ့ သစ္စာလေးပါး တရားတော်ပါပဲ ။ နောက်ထပ် လောကနိယာမအရ မလွဲနိုင်တဲ့ အချက်ကတော့ မိမိရင်သွေးအပေါ် မိဘ ဆိုရင် ချစ်ကြတာချည်းပါပဲ ။ မိဘ မှ ထပ်ခွဲပြရမယ်ဆိုရင် အမေဆိုတာ သူမချစ်တဲ့ ရင်သွေး မရှိပါဘူး ။
မိခင် ဆိုတာ လူသားမပြောနဲ့ အဟိတ်တိရိစ္ဆာန်တောင် ရင်သွေးကို ချစ်ကြပါတယ် ။ ဒီလို အံ့မခန်း မိခင်မေတ္တာဇာတ်လမ်းတွေကတော့ မရေတွက်နိုင်အောင် အများသူငါ စာဖွဲ့ထားလေတော့ ထွေထွေထူးထူး မရေးတော့ပါဘူး ။
ဦးမျိုးရေးချင်တာက မိဘ အပေါ် အချဥ်ပေါက်ပြီး မိမိအမြင်လေးနဲ့ ပိုင်းဖြတ် ကျေးဇူးကန်းနေကြတာကို တင်ပြချင်တာပါပဲ ။
မြန်မာပြည်မှာ စီးပွားရေး လူမှုရေး ပညာရေး ပြည်စုံတဲ့ မိဘဆိုတာ အင်မတန် ရှားပါးလှပါတယ် ။ ဒီတော့ သားသမီးအပေါ် လိုအင်ဆန္ဒမှန်သမျှ ဖြည့်ဆည်းပေးဖို့ မပြောနဲ့ ဝမ်းဝအောင် စားနိုင်ဖို့တောင် အင်မတန် ခက်ခဲတဲ့ မိဘတွေက အများစုပါ ။
ဒီတော့ သားသမီးတွေကို အလို မလိုက်နိုင်ကြတာ များရပြီပေါ့ ။ နောက်ပြီး ဖခင်တွေဆိုလည်း အင်မတန်ပေါများလှတဲ့ ရေထက်စျေးချိုတဲ့ အရက်ဆိုတာ ဘယ်ဒေသပဲ ဖြစ်ဖြစ် အလွန်ပေါများတယ် ။ လောင်းကစားကြိုက်တာလုပ် အစုံရှိတယ် ။
အလုပ်အကိုင်ရှားပါးတယ် ၊ ပင်ကိုယ်ဗီဇအရ အပျင်းကြီးကြတယ် ၊ ဒီတော့ မပြေလည်ကြဘူး ။ နောက်ပြီး စိတ်ဓာတ်မခိုင်မာကြတော့ စာရိတ္တလည်း ယိုင်နဲ့ပြီး သားသမီးတွေ အထင်သေးစရာ ဖြစ်ကြရပြန်တယ် ။
ဒါပေမယ့် မိဘဆိုတာ သား သမီးကို ချစ်ကြတာ ချည်းပါပဲ ။ တချို့ခံစားကြရတဲ့ ငါ့ကို မချစ်ဖူး ၊ ငါ့လောက်မိဘတွေ စာမတတ်ဖူး ၊ ငါ့လောက် အတွေးအခေါ် မရှိဘူး ဆိုပြီး တွေးတော အထင်သေးတတ်ပါတယ် ။
အမှန်က အဲလို မိဘတွေခမျှာ သား သမီးအပေါ် မချစ်ကြတာ မဟုတ်ပါဘူး ။
၁ ။ မချစ်တတ်တာပါ ။
(အချော့ကြိုက်တဲ့သားသမီး မချော့ပဲ အကြမ်းကိုင်တာမျိုး)
၂ ။ ချစ်ခြင်းကို မပြနိုင်ကြခြင်း ။
(သားသမီး လိုအင်ဆန္ဒကို မဖြည့်နိုင်လောက်အောင် ဝမ်းစာ တမျိုးထဲ မနည်းရုန်းကန်ရှာဖွေနေကြရခြင်း)
၃ ။ အခြား လူမှုရေး အရှုပ်အရှင်းများ တွေ့ကြုံဖြေရှင်းနေရသော မိဘ နှစ်ပါးဟာလည်း သားသမီးအပေါ် မချစ်သကဲ့သို့ ဖြစ်ပေါ်စေခြင်း ။
(ဘုရားဟော တရားအရ လူဆိုတာ မိမိကိုယ်ကို အချစ်ဆုံးလို့ ပြောခဲ့တဲ့အတွက် ဖြေသိမ့်နိုင်ပါစေ ၊ ယခုလို မိမိ မိဘအပေါ် မကျေနပ်တာကိုက ကိုယ့်ကိုကိုယ် ပိုချစ်လို့ ဖြစ်နေတဲ့ စိတ်ဝေဒနာမို့ ဆင်ခြင်နိုင်ပါစေ)
အဲသလို အချက်တွေကြောင့် မိဘတွေအပေါ် အထင်လွဲစရာ ကြုံတွေ့ခဲ့ကြရမှာပဲ ။ အဓိက ကျတဲ့ စား ဝတ် နေရေး ကိစ္စနဲ့ လုံးခြာလည် နေရတဲ့ မိဘတွေအတွက် ဘဝက ရုပ်ရှင်မဟုတ်လို့ သား သမီးတွေအပေါ် ဆန္ဒရှိတိုင်း ချစ်ခြင်းမေတ္တာကို ပြနိုင်ဖို့ ခက်ခဲလှပါတယ် ။
နောက်ဆုံး လူမတန် ကံလွှဲချ ဆိုသလို ပြောချင်တာတော့မဟုတ်ပါဘူး ။ မိမိရဲ့ အတိတ်ကံအရ ဒီလို မိဘ ဒီလို အဆင့်အတန်းနဲ့ ပတ်သက်ဖို့ အတိတ်ကံ ပါလာလို့သာ ကြုံတွေ့ခဲ့ကြရတာမို့ မိမိကံနဲ့လည်း သက်ဆိုင်ပါတယ် ။
ဒီကနေ့ အခြေအနေဟာ အားလုံးသိကြတဲ့ အတိုင်းပဲ ကပ်ဆေးနေတဲ့ အနေအထားဖြစ်ပါတယ် ။ မိဘ နှစ်ပါးကို ကျေးဇူးကန်း စော်ကားခြင်းဖြင့် ဆေးတဲ့ကပ်ထဲ ပါမသွားစေချင်လို့ သိမှတ်သလောက် ကလေးတွေ အတွက် အယူမှားသွားမှာ စိုးရိမ်လို့ တင်ပြလိုက်ရပါတယ် ။
ကြက်သီးထဖွယ် အယူအဆနဲ့ မန့် တွေကို လေ့လာကြည့်ကြပါအုံး ဗျာ ။ ကျနော်တို့ လူ့အဖွဲ့အစည်း ရဲ့ အတွေးအခေါ်တွေကို NGO အမည်ခံတွေ ဘယ်လောက် ဖျက်ဆီးသွားလဲ သိနိုင်ပါလိမ့်မယ် ။
https://m.facebook.com/story.php?story_fbid=1132692207531459&id=100023720704898
ကိုရွှေမျိုးဝင်း
(အပြကောင်းရင် ယုံကြည်တတ်တဲ့ နလပိန်းတုံး မြန်မာတွေအတွက် ဆွဲနေကြိုး တင်းမနေတာ မသိပဲ တကယ်ထင်ပြီး အံ့သြနေကြတာ သိနေလို့ အပြကောင်းတဲ့ NGO တွေနဲ့ မြန်မာ့ယဥ်ကျေးမှုတွေကို ဖျက်ဆီးထားတာ သတိကြီးစွာ ထားကြရပါတော့မယ်)
