ဂျင်မီကိုဖမ်းမိပြီးနောက်
ဇာတ်တူသားစားကြပြီဆိုတဲ့စကားကို
သုံးနှုံးဖော်ပြကြသည်ကိုတွေ့ရသည်။
ဒီစကားကိုသုံးနှုန်းရမှာ
အင်မတန်ကြောက်ပါတယ်။
ဘာကြောင့်လဲ?
ဇာတ်တူသားစားကြတာ
နေရာတိုင်း/အဖွဲ့အစည်းတိုင်းမှာ
ရှိတတ်ကြပါတယ်။
(မစားလို့မရတော့ဒါကြောင့်လည်း
ပါပါလိမ့်မယ်။)
ဒီစကားအသုံးအနှုံးကို
ကြားလိုက်တာနဲ့
အိုးမလုံ အုံပွင့်တဲ့သူတွေရှိတတ်ကြပါတယ်။
ဒီအကောင် ငါ့များပြောတာလားပေါ့-
ဒါဆို အန္တရာယ်ရှိလာပါပြီ။
ဥပဒေနဲ့စနစ်တကျဖွဲ့စည်းမထားတဲ့
လက်နက်ကိုင်အဖွဲ့အစည်းဆိုလျင်
ပိုဆိုးပါတယ်။
တရားဥပဒေနဲ့
စနစ်တကျဖွဲ့စည်းအုပ်ချုပ်တဲ့
အသိုင်းအဝိုင်းမှာတောင်
သတိအင်မတန်ထားပြီး
နေရတဲ့အခြေအနေမှာ-
ဥပဒေမရှိတဲ့လက်နက်ကိုင်အဖွဲ့အစည်းထဲ
ရောက်ပြီဆိုရင်တော့
မလွဲမသွေကြုံရပါလိမ့်မယ်။
မြောက်ပိုင်းဖြစ်စဉ်ကို
သင်ခန်းစာယူနိုင်ဘို့
ရွှေသမင်အလိုက်မမှားစေဘို့
ကြုံဘူးသူတွေက
ရေးသားဖော်ပြ/တားဆီးခဲ့ပါသော်လည်း
ကိုယ်တွေ့ကြုံမှယုံမယ်ဆိုရင်
ဘယ်တတ်နိုင်မလဲ?
လူသိများတာက
ပါဂျောင်ဖြစ်စဉ်ဆိုပေမဲ့
၈၈နောက်ပိုင်း
တောခိုကြတဲ့လူငယ်တွေ
ဒီလိုဇာတ်တူသားစားတာမျိုးကို
တောတွင်းစခန်းတိုင်းလိုလိုကြုံခဲ့ကြတာပါ။
ကိုယ့်ပတ်ဝန်းကျင်မှာ
ယုံကြည်ရတဲ့သူဘယိလောက်ရှိလို့လဲ?
ဥပဒေရှိတဲ့မြိုပေါ်မှာတောင်
သင့်ကို သင်္ကာမကင်းတဲ့မျက်လုံး/
သံသယမျက်လုံးတွေနဲ့
ကြည့်ခံနေရတာကို
သတိပြုမိကြမှာပါ။
ဥပဒေမရှိ စနစ်တကျဖွဲ့စည်းမထားတဲ့
အဖွဲ့အစည်းအသိုင်းအဝိုင်းမှာ
သံသယစိတ်တွေ ပိုများပါတယ်။
ဇာတ်တူသားကို မဖြစ်မနေ
စားကြပါလိမ့်မယ်။
(ပြည်သူ)အခြားသူကို
အကာအကွယ်ပေးဘို့နေနေသာသာ
ကိုယ်တောင်ဇာတ်တူသားအစားမခံရရင်
အင်မတန် ကံကောင်းနေသေးတယ်လို့
မှတ်ယူရမှာပါ။
ဇာတ်တူသား အသုံးအနှုံးကို
ရည်ရွယ်ချက်တခုကြောင့်
သုံးနှုံးခဲ့ဘူးပေမဲ့
အိုးမလုံအုံပွင့်တဲ့လူကရှိနေတော့
ဒီသံသယကို ကြောက်လည်းကြောက်ပါတယ်။
ကြောက်ပေမဲ့
ထပ်ရေးလိုက်အုံးမယ်။
ဇာတ်တူသားစားတဲ့သူတွေ
ပိုများလာပါလိမ့်မယ်။
ကိုယ့်လိပ်ပြာ ကိုယ်လုံနိုင်ကြပါစေ။ ။
Credit
