ယူကရိန်းသမ္မတ Volodymyr Zelenskyက အမေရိကန် သမ္မတ ဘိုင်ဒန်၊ ရုရှားသမ္မတ ပူတင်တို့နှင့်အတူ နိုင်ငံခေါင်းဆောင်သုံးဦး တွေ့ဆုံပွဲကျင်းပရန် အဆိုပြုခဲ့သည်ဟု ယူကရိန်းသမ္မတရုံးအကြီးအကဲ Andriy Yermak က ဇန်နဝါရီ ၁၄ ရက်တွင် ပြောကြားခဲ့ကြောင်း ယူကရိန်းနိုင်ငံပိုင် သတင်းဌာန ဖော်ပြချက်အရ သိရသည်။
ယင်းနေ့တွင် Yermak က ယူကရိန်းဆိုင်ရာ အမေရိကန် သံအမတ်ဟောင်း Herbst နှင့်တွေ့ဆုံရာတွင် Zelenskyက ဗွီဒီယိုလင့်ခ်တွေ့ဆုံပွဲကျင်းပရန် ဘိုင်ဒန်အား ဖိတ်ကြားထားကြောင်း ၊ အမေရိကန်၊ ရုရှားနှင့် ယူကရိန်းတို့သည် ဗွီဒီယိုလင့်ခ် အစည်းအဝေးမှတစ်ဆင့် တွေ့ဆုံဆွေးနွေးနိုင်ကြောင်း ပြောကြားခဲ့သည်။
Yermak က လက်ရှိတွင် ယူကရိန်းက ရုရှား၏တုံ့ပြန်မှုကို စောင့်ဆိုင်းနေကြောင်း၊ အမေရိကန်အနေဖြင့် ယင်းအဆိုပြုချက် အပေါ် စိတ်ဝင်စားကြောင်း ထုတ်ဖော်ခဲ့သည် ဟုဆိုသည်။
Ref - (ဆင်ဟွာ)
