အာဖဂန်ကို
အမေရိကန်တွေ
နှစ် ၂၀ ကျော် ခြယ်လှယ်ခဲ့တာ
လူတိုင်းသိကြပြီးသားပါ။
ဥစ္စဘက်ကစ္စတန်ကို
ထွက်ပြေးသွားရတဲ့
အာဖဂန် သမ္မတနဲ့ အစိုးရအဖွဲ့ဟာ
အမေရိကန်
ကျောထောက်နောက်ခံနဲ့
တက်လာတဲ့ အစိုးရပါ။
အာဖဂန်ကနေ
အမေရိကန်တွေ
တွက်ခြေမလှတော့မှန်းသိလို့
လက်ဦးမှုရယူပြီး
တပ်တွေ ရုပ်သိမ်းခဲ့တယ်။
အိမ်ဖြူတော်ရှေ့မှာ ဆန္ဒပြနေကြတဲ့
အမေရိကန် ပြည်သူတွေ ဘာပြောလဲ
အမေရိကန်အစိုးရ
တာဝန်ယူမှု တာဝန်ခံမှု မရှိလို့
အခုလို ဖြစ်ရတာတဲ့။
အမေရိကန်သမ္မတ ဂျိုးဘိုင်ဒန်ကတော့
သူတို့ အတွက်အချက်
မှားသွားပါတယ် ဆိုတဲ့
စကား တစ်ခွန်းထွက်ပြောပြီး
နှာစေးသွားပါပြီ။
အာဖဂန်စစ်တပ်ဆိုတာကလဲ
အမေရိကန် အထောက်အပံ့နဲ့
တစ်နှစ် US$ ၅ ဘီလီယံလောက် သုံးပြီး
အမေရိကန်စစ်တပ်ပုံစံ
ဖွဲ့စည်းထားတဲ့ စစ်တပ်ပါ။
အင်အား ၃ သိန်းခဲ့ ရှိပါတယ်။
တာလီဘန်တွေဟာ
အင်အား ၈၀၀၀၀ လောက်ဘဲ ရှိပါတယ်။
အမေရိကန်တွေ
အာဖဂန်က ထွက်သွားပြီး
တာလီဘန်တွေ ဘာကြောင့်
ရက်ပိုင်းအတွင်းမှာ
အာဏာသိမ်းလိုက် နိုင်တာလဲ ဆိုတာ
မေးစရာ ဖြစ်လာပါတယ်။
အမေရိကန်တွေ အလိုကျ အစိုးရဖွဲ့၊
အမေရိကန် ပုံစံ စစ်တပ်နဲ့
အုပ်ချုပ်ခဲ့တဲ့
American Dream ကြီးဟာ
တာလီဘန်တွေ
ကဘူးလ်မြို့တော်ကို
သိမ်းလိုက်ခြင်းနဲ့အတူ
ကွယ်ပျောက်သွားခဲ့ရပါတယ်။
အမေရိကန်တွေ
အာဖဂန်ကို ကျူးကျော်စဉ်က
အာဖဂန်ပြည်သူတွေနဲ့
ကမ္ဘာကို ကတိပေးခဲ့တဲ့
အခြေခံလူ့အခွင့်အရေး၊
လူမျိုးစုများ အခွင့်အရေး၊
အမျိုးသား၊ အမျိုးသမီး
တန်းတူညီမျှရေး၊
မူးယစ်ဆေး၊
အကျင့်ပျက်ခြစားမှု တိုက်ဖျက်ရေးနဲ့
အကြမ်းဖက် တိုက်ဖျက်ရေး တို့ကို
အမေရိကန်ဟာ
ကတိအတိုင်း ဖြည့်စည်း မပေးနိုင်ခဲ့တာ
တွေ့ရပါတယ်။
အမေရိကန်တွေ ဘယ်လိုမှ
ငြင်းမနိုင်ပါဘူး။
American Dream ကို
အကောင်အထည် ဖော်ဖို့
အမေရိကန်လိုလားသူတွေ
စိတ်ကြိုက် ချယ်လှယ်ရေး၊
အာဏာ ထူထောင်ရေးနဲ့
အရှေ့အလယ်ပိုင်းဒေသမှာ
စစ်အခြေစိုက်စခန်း
ချနိုင်ရေးကိုဘဲ ပြုလုပ်ခဲ့ပါတယ်။
အမေရိကန်နဲ့
အမေရိကန် ကျောထောက်နောက်ခံပြု
အာဖဂန်အစိုးရရဲ့ လုပ်ရပ်တွေဟာ
အာဖကန်စစ်တပ်ကိုလဲ
အနည်းနဲ့အများ
စိတ်ပိုင်း ဆိုင်ရာမှာ ထိခိုက်စေခဲ့ပြီး
အသုံးချခံလို ဖြစ်ခဲ့ရပါတယ်။
ဒါကြောင့်ဘဲ
အာဖဂန်စစ်တပ်ဟာ
တာလီဘန်တွေကို
မတိုက်ခိုက်တော့ဘဲ
လက်နက်ချသွားတယ်လို့
သုံးသပ်နိုင်ပါတယ်။
အရေးအကြီးဆုံးအချက်ကတော့
ထိလွယ် ရှလွယ်တဲ့
ဘာသာရေးနှင့် ယဉ်ကျေးမှုကို
အခြေခံ တည်ဆောက် ထားတဲ့
အာဖဂန်လူ့အဖွဲ့အစည်းဟာ
Americanization ပြုလုပ်လာတဲ့အခါ၊
ဘာသာရေး၊ ယဉ်ကျေးမှုနှင့်
လူ့အဖွဲ့ အစည်း ပွတ်တိုက်မှုများ
များပြားလာရတာဟာလဲ
အဓိက အချက်ပါဘဲ။
အစွန်းရောက်ဝါဒကို
တိုက်ဖျက်ရာမှာ
အာဖဂန်ပြည်သူတွေက
ထောက်ခံပေမယ့်
မိရိုးဖလာ လိုက်နာကျင့်သုံးခဲ့တဲ့
ဘာသာရေးနဲ့ ယဉ်ကျေးမှုကို
အာဖဂန် လူ့အဖွဲ့အစည်းထဲက
ဆွဲထုတ်ဖို့ ကြိုးစားလာတဲ့အခါ
အာဖဂန် ပြည်သူတွေက
လက်သင့်မခံကြတော့ပါဘူး။
တာလီဘန်တွေဟာလဲ
အရင်နှစ် ၂၀ ကလို မဟုတ်တော့တဲ့
ပြုပြင်ပြောင်းလဲရေးကို
လုပ်ဆောင်လာသူတွေပါ။
အချုပ်အနေနဲ့ ပြောရရင်
ဒီနေ့ အာဖဂန်မှာ ဖြစ်သွားတဲ့ ဖြစ်စဥ်ဟာ
အမေရိကန်ရဲ့ ကယ်တင်ရှင်ကြီး
ငါးစားကိုဘဲမြင်ပြီး
ငါးမြှားချိတ်ဖြစ်တဲ့
American Dream ကို
မသိခဲ့ကြလို့ပါဘဲ။
ဒီကနေ
အမေရိကန်အားကိုး ပုဆိန်ရိုး
မြန်မာပြည်ထဲက လူတစ်စုနဲ့
ပြည်ပြေးတစ်သိုက်
သင်္ခန်းစာယူတတ်ကြမယ်ဆိုရင်၊
ဘာသာ၊ သာသနာ၊ ယဥ်ကျေးမှု၊
မြန်မာလူမျိုးနဲ့ မြန်မာပြည်ကို
တစ်ကယ်ချစ်တယ်ဆိုရင်
"ရှင်ကြီးကျားထက် မဆိုးခင်"
အချိန်မီ နောင်တရစေချင်ပါတယ်။
အမေရိကန်အားကိုးတဲ့
NLD ၅ နှစ် သက်တမ်းမှာ
ဘာသာ၊ သာသနာ၊ ယဥ်ကျေးမှုတွေ
အတန်အသင့် ပျက်ယွင်းခဲ့ပါပြီ။
NLD ရဲ့ စစ်တပ်မုန်းတီးရေးနဲ့
လူပြိန်းကြိုက် ပေါ်ပင်တွေကြားမှာ
မှိုင်းမိ Brain Wash လုပ်ခံခဲ့ရတဲ့
ပြည်သူတွေလဲ အများကြီးပါ။
ဒါကြောင့်လဲ GZ ဆိုတဲ့
လူငယ်တွေဟာ
Brain wash လုပ်ခံထိပြီး
ဘာသာတရားအဆုံးအမ ကင်းမဲ့လို့
စိတ်ဓါတ်ပိုင်းဆိုင်ရာမှာ
ပျက်စီးယိုယွင်းကုန်ကြပြီး
အကြမ်းဖက်၊ လူသတ်၊
မိုင်းထောင်၊ ဗုံးခွဲတွေ
လုပ်ဆောင်လာလာကြတာ
မျက်မြင်ပါဘဲ။
တပ်မတော်ကသာ
အချိန်မီ ထိန်းသိမ်းမှု မပြုခဲ့ရင်တော့
နောင် ၅ နှစ်မှာ မြန်မာပြည်ဟာ
ဒီနေ့ အာဖဂန်မှာ ရင်ဆိုင်နေရသလို
ပြဿနာတွေ ဖြစ်မလာဘူးလို့
မပြောနိုင်ပါဘူး။
အချိန်မီီ
အသိ သတိလေးတွေ ကပ်ပြီး
အားလုံးချစ်တဲ့ မြန်မာပြည်ကို
ပြိုကွဲမပျက်စီး ရအောင်
အာဖဂန်အရေးကို မီးမောင်းထိုးပြ
သက်သေပြု ရေးသားလိုက်ရပါတယ်။
အမှန်သိ အမှန်မြင်ပြီး
အချိန်မီ စဥ်ခြင်နိုင်ကြပါစေ။
Credit to
တင်လတ်ယု
#ဆုတင်
#နန်းချယ်ရီလော
