ငြိမ်းချမ်းရေးလိုချင်တဲ့ KNU တပ်မဟာ ၆ ဒူးပလာယာခရိုင် ဥက္ကဌ ပဒိုရွှေမောင်းနဲ့ PDF အကြမ်းဖက်သမားတွေကို လက်ခံသင်တန်းပေးနေပြီး NUG ပြည်ပြေးအကြမ်းဖက်အဖွဲဆီကနေ ဒေါ်လာ သန်း ၂၀ကျော်ကို ၂ရစ်ခွဲလက်ခံကာ ကရင်ပြည်နယ်အား စစ်မီးတောက်စေချင်တဲ့ တပ်မဟာ ၆ အတွင်းရေးမှူး စောလစ္စတန်တိုရဲ့ အကွဲအပြဲကြားမှာ KNU တပ်မဟာ ၆ အဖွဲတွေဟာ ၃ဖွဲခန့် ကွဲနေတယ်လို သိရှိရပါတယ်။
လွန်ခဲ့တဲ့ ၄ရက်ခန့်က KNU တပ်မဟာ ၆ ဒူးပလာယာခရိုင်ဥက္ကဌပဒိုရွှေမောင်းရဲ့ ဒူးပလာယာခရိုင်အတွင်း PDF နဲ့ NUG စခန်းတွေ ရှိမရှိ စီစစ်အရေးယူရန်ကိစ္စ လက်ရေးမူနဲ့ညွှန်ကြားချက် ထွက်ပေါ်လာပြီးနောက်ပိုင်းမှာ ဒူးပလာယာခရိုင်အတွင်းရေးမှူး စောလစ္စတန်အနေနဲ့ ယင်းညွှန်ကြားချက်ဟာ ဗဟိုနဲ့ အောက်ခြေတပ်မှူးများရဲ့ သဘောထားမပါဘူးဆိုတဲ့အကြောင်း ပြာပြာသလဲ ငြင်းချက်ထုတ်ခဲ့ပါတယ်။
ပဒိုရွှေမောင်းဘက်ကတော့ ယင်းညွှန်ကြားချက်ဟာ ဗဟိုနဲ့ အောက်ခြေတပ်မှူးတွေဆီကို အကြောင်းကြားပြီးမှ ထုတ်ပြန်ညွှန်ကြားခဲ့တာဖြစ်ကြောင်းနဲ့ ဗဟိုမသိဘဲ လုပ်ဆောင်ခဲ့တာမဟုတ်ကြောင်း ပြန်လည်ဖြေရှင်းခဲ့ပါတယ်။
ဥက္ကဌနဲ့ အတွင်းရေးမှူးကြားက ထင်ရှားလွန်းတဲ့ သဘောထားကွဲလွဲမှုနဲ့ ငြိမ်းချမ်းရေးနဲ့ စစ်ပွဲကြားမှာ ဝေခွဲရခက်နေတဲ့ အောက်ခြေတပ်တွေဟာ နစကတပ်ရဲ့ ကရင်ပြည်နယ်အတွင်း စစ်အင်အားတိုချဲ့ပိတ်ဆိုမှုကြောင့် စစ်မီးတောက်လာမယ့်အရေး စိုးရိမ်ကာ မိသားစုတွေတဲ့အတူ ထိုင်း-မြန်မာနယ်စပ် ဒုက္ခသည်စခန်းတွေကို တဖွဲဖွဲဝင်ရောက်နေကြပြီး ယခုရက်ပိုင်းမှာ ထိုင်းနယ်စပ် မယ်လဦးဒုက္ခသည်စခန်းမှာ စစ်ရှောင်ဦးရေ တိုးပွားလာနေတယ်လို ထိုင်းသတင်းဌာနတွေက သိရှိရပါတယ်။
အွန်လိုင်းစာမျက်နှာတွေမှာ NLD လော်ဘီတွေရဲ့ အမြဲနိုင်နေသလို ဝါဒဖြန့်ခံနေရပေမယ့် တကယ့်မြေပြင်မှာ နစကစစ်တပ်ရဲ့ နယ်မြေပိတ်ဆိုထားမှုကြားမှာ မလူးသာမလွန်သာဖြစ်နေပြီး စစ်မတိုက်လိုတဲ့အဖွဲ၊ စစ်ဖြစ်လာမယ့်အနေအထားကြောင့် မိသားစုနဲ့အတူ ဒုက္ခသည်စခန်းတွေဆီ ထွက်ပြေးနေတဲ့အဖွဲ၊ အတွင်းရေးမှူး စောလစ္စတန်ရဲ့ ကြေးစားအမိန့်အောက်မှာ မဖြစ်မနေ ခံစစ်ပြင်နေရတဲ့အဖွဲဆိုပြီး KNU တပ်မဟာ ၆ဟာ အဖွဲ ၃ ဖွဲခန့် ကွဲနေကြောင်း ထိုင်းဒုက္ခသည်စခန်းရောက် KNU မိသားစုတချိုဆီက ကြားသိရပါတယ်။
#Credit
