■တကယ်တော့
ကမ်းခြေစောင့်တပ်ဖွဲ့(Coastguard )ဆိုတာ
ရေငုတ်သင်္ဘော မင်းရဲသိင်္ခသူလိုပါပဲ….
ခုချက်ခြင်းပိုက်ဆံရှိလို့
ချက်ခြင်းဝယ်ခဲ့တာမျိုးတော့မဟုတ်ခဲ့ပါဘူး။
■ဒီတပ်ဖွဲ့ကို စတင်ဖွဲ့စည်းနိုင်စေဖို့အတွက်
၂၀၁၉ မတ်လ ၁၃ ရက်နေ့မှာကျင်းပတဲ့
ပြည်သူ့လွှတ်တော်မှာကတည်းက
“ကမ်းခြေစောင့်တပ်ဖွဲ့ကို
ကာကွယ်ရေးဝန်ကြီးဌာနကွပ်ကဲမှုအောက်မှာ
ထားရှိဖွဲ့စည်းဖို့”ဆိုတဲ့ အဆိုကို
ဗိုလ်ချုပ်မြင့်နွယ်ကိုယ်တိုင် လွှတ်တော်မှာ
ဖြေကြားရှင်းလင်းခဲ့တာဖြစ်ပါတယ်။
■ပင်လယ်ပြင် စတုရန်းမိုင် ၁၄၄၉၁ကျယ်ပြီး
ကမ်းရိုးတန်းမိုင် ၁၂၀၀ ရှည်တဲ့နိုင်ငံအတွက်
နေ့စဉ်ဖြစ်ပေါ်နေတဲ့ မူးယစ်မှောင်ခိုမှုတွေ၊
လူကုန်ကူးမှုတွေနဲ့တရားမဝင်ငါးဖမ်းမှုတွေကို
တားဆီးနိုင်ဖို့ရာအတွက်
ကမ်းခြေစောင့်တပ်ဖွဲ့ဆိုတာ
မဖြစ်မနေကို လိုအပ်နေတာလည်းဖြစ်ပါတယ်။
■ကမ်းခြေစောင့်တပ်ဖွဲ့ရဲ့အဓိကတာဝန်ဟာ
ဥပဒေနဲ့မညီတဲ့ လူဝင်/ထွက်ကိစ္စတွေ၊
မှောင်ခိုကိစ္စတွေကို တားဆီးဖို့ဖြစ်သလို
ဘေးဒုက္ခကြုံနေတဲ့ သင်္ဘောတွေကိုလည်း
ကူညီကယ်ဆယ်ပေးတဲ့တာဝန်တွေကိုပါ
ယှဉ်တွဲ ထမ်းဆောင်ရမှာဖြစ်လို့
ကြီးမားတဲ့ စိန်ခေါ်မှုတွေကိုလည်း
ရင်ဆိုင်ရမှာဖြစ်ပါတယ်။
အထူးသဖြင့် လှေစီးဒုက္ခသည်အရေးဟာ
မြန်မာ့ကမ်းခြေစောင့်တပ်ဖွဲ့အတွက်
မဖြစ်မနေ ရင်ဆိုင်ရမဲ့
ပြသနာတစ်ခုဖြစ်လာပါလိမ့်မယ်။
■ကမ္ဘာပေါ်မှာ
ကမ်းခြေစောင့်တပ်ဖွဲ့
ဖွဲ့စည်းထားတဲ့နိုင်ငံ(၄၇)နိုင်ငံရှိပြီးတော့
အိန္ဒိယနိုင်ငံဆိုရင်
စတုတ္ထလက်နက်ကိုင်တပ်ဖွဲ့အဖြစ်နဲ့တောင်
ဖွဲ့စည်းသတ်မှတ်ထားတာဖြစ်လို့
Coastguard ရဲ့အရေးပါမှုကို
မှန်းဆကြည့်နိုင်ပါတယ်။
■ဘာပဲဖြစ်ဖြစ်
တပ်မတော်(ရေ)အတွက်တော့
ကမ်းခြေစောင့်တပ်ဖွဲ့ဖွဲ့စည်းနိုင်ခဲ့ခြင်းဟာ
ဂုဏ်ယူရမဲ့ နေ့တစ်နေ့အဖြစ်
သမိုင်းဝင်ခဲ့ပြီလည်းဖြစ်ပါတယ်။
#ဖိုးစီ
