တပ်မတော်ကို ထောက်ခံရခြင်းမှာ တပ်မတော်သည် နိုင်ငံတော်ကို ကာကွယ်နိုင်သည်၊နိုင်ငံတော်ကို တည်ဆောက်နိုင်သည်၊ထာဝရငြိမ်းချမ်းရေးကို ဖော်ဆောင်နိုင်သည် ဆိုသောအချက်သုံးချက်ကြောင့် ဖြစ်ကြောင်း၊တပ်မတော်နှင့် ပေါင်းစားပြီး တပ်မတော်ကို ထောက်ခံခြင်းမဟုတ်ကြောင်း၊ကျွန်တော့်တွင် ကားတစ်စီးပင် မရှိကြောင်း ဆိုင်ကယ်ဖြင့် သွားလာနေရသည်ကို ကျိုက္ခမီသားများ သိပါကြောင်း သံဖြူဇရပ်တပ်မတော်ထောက်ခံပွဲတွင် ကျွန်တော်ပြောခဲ့ပါသည်။
ထိုနေ့ကတပ်မတော်ထောက်ခံပွဲသို့ တပ်မတော်နှင့်ပေါင်းပြီး အာဏာရရန် ချမ်းသာရန် ကိုယ်ကျိုးရှာခဲ့သူများ တက်ရောက်သည်ကို မတွေ့ရပါ။တပ်မတော်နှင့်ပေါင်းပြီး ကိုယ်ကျိုးရှာခဲ့သူများတွင် ပြည်ခိုင်ဖြိုးများ NLDများပါဝင်သည်။
ဒေါ်အောင်ဆန်းစုကြည်သည် တပ်မတော်နှင့်ပေါင်းပြီး အာဏာရအောင်လုပ်ခဲ့သည်၊ထိုအာဏာဖြင့် ကိုယ်ကျိုးရှာခဲ့သည်။အထင်အရှားဆုံးကတော့ နေပြည်တော်တွင် လေးဧကကျယ်သော အိမ်မြေကွက်ကို ဒေါ်အောင်ဆန်းစုကြည်ရယူခဲ့ခြင်းဖြစ်သည်။ဒေါ်အောင်ဆန်းစုကြည်သည်လည်း တပ်မတော်နှင့် ပေါင်းစားခဲ့သည်။
NLDတွင် ကွယ်လွန်သူ ဟံသာဝတီဦးဝင်းတင်ကဲ့သို့ တပ်မတော်နှင့် ပေါင်းစားခြင်းမပြုသည့် ရိုးသားသောနိုင်ငံရေးသမားများလည်း ရှိကြပါသည်။ဦးဝင်းတင်၏ ရိုးသားသော နိုင်ငံရေးကြောင့် ဦးဝင်းတင်နှင့် ဒေါ်အောင်ဆန်းစုကြည်တို့ ဆက်ဆံရေး မပြေမလည်ဖြစ်ခဲ့သည်။
ရိုးသားသောနိုင်ငံရေးသမားကြီး အဘဦးဝင်းတင်အား ဦးညွှတ်အလေးပြုပါသည်။
ငါးမင်းဆွေ
၂၉-၁၀-၂၀၂၁
