၂၀၁၉ ခုနှစ်က ထိုင်းနိုင်ငံမှာ ကျင်းပတဲ့ စစ်လက်နက်ပစ္စည်းပြပွဲ မှာ မြန်မာ့တပ်မတော်က ထုတ်ဖော်ပြသခဲ့ပါတယ်
မြန်မာ့တပ်မတော်မှာ အရင်အသုံးပြုနေတဲ့ MA series ချေမှုန်းရေးရိုင်ဖယ်တွေကို ၅.၅၆ မမ ကျည်အသုံးပြုတဲ့ ဒီ MA Mk2 series တွေနဲ့ ဖြည်းဖြည်းချင်း အစားထိုးသွားဖို့ ရည်ရွယ်ထားပါတယ်။
MA MK2 series တွေဟာ ရုရှရဲ့ AK-12 ရိုင်ဖယ်နဲ့ဆင်တူပါတယ်။
MA MK2 series ရိုင်ဖယ် မျိုးကွဲတွေမှာ MA-1 Mk2 ချေမှုန်းရေးရိုင်ဖယ်၊ ပြောင်းရှည်ပြီး ၂ ချောင်းထောက်ပါတဲ့ MA-2 Mk2 စက်ကလေး၊ ပြောင်းတိုတဲ့ MA-3 Mk2 ကာဘိုင်၊ ဗုံးပစ်လောင်ချာတွဲလျက်ပါတဲ့ MA-4 Mk2 ရိုင်ဖယ် တို့ပါဝင်ပါတယ်။
MA MK2 series သေနတ်တွေရဲ့ အပေါ်ပိုင်းမှာ စနိုက်ပါမှန်ပြောင်းတွေ၊ ညကြည့်မှန်ပြောင်းတွေ တပ်လို့ရတဲ့ rail တွေပါရှိ ပါတယ်။
ဒါ့အပြင် လေဆာတို့၊ ဓါတ်မီးတို့ တပ်ဆင်လို့ ရတဲ့ rail တွေလည်း ပါရှိပါတယ်။
MA MK2 series သေနတ်တွေရဲ့ ပြောင်းဖျားက muzzle brake ကလည်း ပုံစံသစ်ဖြစ်ပြီး ဒီပုံစံဟာ သေနတ် ပစ်ခတ်ချိန်မှာ နောက်ကန်အားကို ပိုမိုလျှော့ချပေးနိုင်ကာ မီးလျှပ်ထွက်ရှိမှုကိုလည်း လျော့ကျသွားစေပါတယ်။(Myanmar Defence Review)
#MHTNews