ဦးမင်းအောင်လှိုင်သည် တန်ဖိုးဘယ်လောက်ရှိပါသလဲ??? ဒေါ်အောင်ဆန်းစုကြည်သည် တန်ဖိုးဘယ်လောက်ရှိပါသလဲ??? သင်ကိုယ်တိုင်ရော တန်ဖိုးဘယ်လောက် ရှိပါသလဲ???

လူတစ်ယောက်၏ တန်ဖိုးဆိုသည်မှာ သူဖြတ်သန်းခဲ့သော ခေတ်ကာလကြီးက သူ့ပခုံးပေါ်တင်ပေးလိုက်သော တာဝန်ကို သူဘယ်လောက်ထမ်းဆောင်နိုင်ခဲ့သလဲဆိုတာကို ကြည့်ပြီး သတ်မှတ်ရမည်ဟု ကိုကိုးကျွန်းပြန် ဆရာကြီးဗန်းမော်တင်အောင်ဆိုခဲ့သည်။

 

ယနေ့မြန်မာနိုင်ငံသားများ ဖြတ်သန်းခဲ့သော ခေတ်ကာလကြီးက မြန်မာနိုင်ငံသားတိုင်း၏ ပခုံးပေါ်သို့ နိုင်ငံတော်ငြိမ်းချမ်းရေးဆိုသည့် တာဝန်ကို တင်ပေးခဲ့ပါသည်။ဦးမင်းအောင်လှိုင်၏ ပခုံးပေါ်သို့လည်းတင်ပေးခဲ့သည်။ဒေါ်အောင်ဆန်းစုကြည်၏ ပခုံးပေါ်သို့လည်း တင်ပေးခဲ့သည်။

ဦးမင်းအောင်လှိုင်နှင့် ဒေါ်အောင်ဆန်းစုကြည်တို့သည် အရွယ်ရောက်သော အချိန်မှစ၍ နိုင်ငံတော်ငြိမ်းချမ်းရေးအတွက် ဆောင်ရွက်ခဲ့မှုများအပေါ်မူတည်ပြီး ဦးမင်းအောင်လှိုင်နှင့် ဒေါ်အောင်ဆန်းစုကြည်တို့၏ တန်ဖိုးကို သတ်မှတ်ရပါမည်။

နိုင်ငံတော်ငြိမ်းချမ်းရေးတာဝန်ကို ကိုယ်ကျိုးစွန့်ပြီး၊အသက်ပေးပြီး ထမ်းဆောင်ခဲ့ပါလျှင် တန်ဖိုးအလွန်ရှိသူဟု သတ်မှတ်ရပါမည်။အထိုက်အလျှောက်ထမ်းဆောင်ခဲ့ပါလျှင် တန်ဖိုးအတော်အသင့်ရှိသူဟု သတ်မှတ်ရပါမည်။ငြိမ်ချမ်းရေးကိုလိုလားပါလျှင် တန်ဖိုးအနည်းငယ်ရှိသူဟု သတ်မှတ်ရပါမည်။နိုင်ငံတော် တည်ငြိမ်အေးချမ်းရေးကို ဖျက်လိုဖျက်ဆီးလုပ်ပါလျှင် တန်ဖိုးလုံးဝမရှိသူဟု သတ်မှတ်ရပါမည်။

ဦးမင်းအောင်လှိုင်သည် တန်ဖိုးဘယ်လောက်ရှိပါသလဲ???

ဒေါ်အောင်ဆန်းစုကြည်သည် တန်ဖိုးဘယ်လောက်ရှိပါသလဲ???

ဤပို့စ်ကို ဖတ်နေသော သင်ကိုယ်တိုင်ရော တန်ဖိုးဘယ်လောက်ရှိပါသလဲ။

ငါးမင်းဆွေ

၂၇-၁၀-၂၀၂၁