ကိုယ့်ကိုးကွယ်ရာ
ဘုန်းကြီးလည်း နားမလည်ဘူး
သူငယ်ချင်းလည်းနားမလည်ဘူး
မိတ်ဆွေလည်း နားမလည်ဘူး
အသက်ကြီးတဲ့သူ
ပညာကြီးတဲ့သူလည်းနားမလည်ဘူး
ဆွေမျိုးလည်း နားမလည်ဘူး
ဆရာသမားလည်း နားမလည်ဘူး
သူတို့ပဲသိ သူတို့ပဲမှန်
မှန်တာတောင် ကိုယ့်ဘာသာအေးဆေးမမှန်ဘူး
ရွဲ့စောင်းပြီးကို မှန်ပြချင်ကြတာကလား။
အကောင်းအဆိုး အကျိုးအပြစ်တွေလာမပြောနဲ့
ဖြူကိုဖြူမှ ရမယ်ဆိုတာမျိုး။
ကိုယ့်ဘာသာ သာသနာ
ကိုယ့်ကိုးကွယ်ရာ
ကိုယ့်ဆွေကိုယ်မျိုး
ကိုယ့်မိတ်ဆွေသူငယ်ချင်း
စသည်ဖြင့်
ဒါတွေကိုမှ တန်ဖိုးထားရကောင်းမှန်းမသိတဲ့သူတွေက စကားလုံးအကြီးကြီးတွေပြောရင် သိပ်ရယ်ချင်တာ။
မတူတဲ့သူတွေအပေါ်ကို ရွဲ့စောင်းချင်တော့
အမေကျော် ဒွေးတော်လွမ်း
အမျိုးထက် သူစိမ်းက ပိုကောင်း
ကိုယ့်ဘာသာထက် သူများကိုပိုအမွှန်းတင်
အထင်တွေကြီးပြလိုက်ရမှ ဒီလိုမျိုး
သတိမရှိ အတ္တအဆိပ်တွေတက်နေပြီဆိုရင် ဘယ်သူတွေလည်း ကြည့်လိုက်။
သူတို့ကိုယ်သူတို့တော့ ကျီးဘုတ်မြှောက် ဘုတ်ကျီးမြှောက် အမှန်တရားဘက်တော်သားတွေတဲ့။
ကိုယ့်မျက်လုံးထဲမှာတော့????? သူတွေလိုပဲ။မတူကဲွဲပြားမှုကို တန်ဘိုးထားတဲ့ ဒီမိုကရေစီကို ငါနဲ့မတူ ငါ့ရန်သူလုပ်ပြီး အပိုင်စီးထားကြသေးတယ်။
ဟန်ဆောင်ပန်ဆောင် သဘောထားလေးတောင် မကြီးနိုင်လောက်အောင် ရုပ်ပျက်ဆင်းပျက် အပြိုင်အဆိုင် မတူရင်ရန်သူလုပ် ရွဲ့စောင်းကြပြန်သေးတယ်
ပညာရှိသတိဖြစ်ခဲဆိုသလို တန်ဖိုးထားရမှာတွေကို
သတိပြန်လည်ဖြစ်စေ့ချင်မိတယ်
စသည်ဖြင့်
ဒီလိုတွေရေးချင်ပါသော်လည်း
အို ဒါကိုက ဒီမိုကရေစီပဲလေ
လွတ်လပ်စွာကွဲလွဲနိုင်ကြတာပဲလို့ ပြန်တွေးပြီးသကာလ ဘာမှမရေးတော့ဖို့ပဲ ဆုံးဖြတ်လိုက်ပါတော့တယ်။
ဘာမှမရေးတဲ့အကြောင်းကို ရေးမိရေးရာ။
#ကိုဘသာ
