"တွံတေးနှင့် ဆားလင်းကြီးမြို့နယ်များတွင်လက်လုပ်သေနတ်အလက် ၄၀၊ လက်လုပ်စိန်ပြောင်း ၁၇ လက်နှင့် လက်လုပ်မိုင်းများဖမ်းမိ"

အောက်တိုဘာ ၁၀၊ ၂၀၂၁ (TRN)

ရန်ကုန်တိုင်းဒေသကြီး တွံတေးမြို့နယ်နှင့်စစ်ကိုင်းတိုင်းဒေသကြီး ဆားလင်းကြီးမြို့နယ်များတွင် အောက်တိုဘာလ ၉ ရက်က လက်လုပ်သေနတ်အလက် ၄၀ နှင့် လက်လုပ်မိုင်း ၄၄ လုံးလက်လုပ်စိန်ပြောင်း ၁၇ လက်နှင့် ဆက်စပ်ပစ္စည်းများဖမ်းဆီးရမိကြောင်းသတင်းရရှိသည်။

ရန်ကုန်တိုင်းဒေသကြီး၊ တွံတေးမြို့နယ်၊ တူးချောင်းလေးကျေးရွာအနီး ကျော်လင်းပိုင်သည့်ငါးကန်ကိုဝင်ရောက်ရှာဖွေရာ လက်လုပ်သေနတ်တစ်လက် ၉ မမကျည် ၁၀ တောင့်၊ ပွိုင့်၂၂ ကျည်တစ်တောင့်၊ လက်လုပ်မိုင်း ၁၄ လုံးကိုဖမ်းဆီးရမိခဲ့သည်။

နေ့လညျ၂း၃၀ နာရီအချိန်ခန့်တွင် စစ်ကိုင်းတိုင်းဒေသကြီး၊ ဆားလင်းကြီးမြို့နယ်၊ ဇီးချိုင်ကျေးရွာဘေး၊ ဆိုင်ကယ်ပစ္စည်းရောင်းဝယ်ရေးဆိုင်ကိုဝင်ရောက်ရှာဖွေရာ ကုဋေဇော် ကိုလက်လုပ်သေနတ် ၁၅ လက်၊ လက်လုပ်စိန်ပြောင်း ၁၇ လက်၊ လက်လုပ်မိုင်း၂၁ လုံးအပါအဝင် ဆက်စပ်ပစ္စည်းများဖြင့်ဖမ်းမိခဲ့သည်။

ထိုသို့ရှာဖွေနေစဉ် ဆိုင်နောက်ဘက် သင်္ချိုင်းထဲမှ အကြမ်းဖက်အင်အား ၃၀ ခန့်ကလုံခြုံရေးအဖွဲ့ကိုပစ်ခတ်သဖြင့် ပြန်လည်ခုခံပစ်ခတ်ပြီးထိုနေရာကိုရှင်းလင်းရှာဖွေရာ လက်လုပ်တူမီးသေနတ် ၁၄ လက်၊ လက်လုပ်မိုင်း ၂၃ လုံးနှင့်ဆက်စပ်ပစ္စည်းများကို သိမ်းဆည်းရမိခဲ့ကြောင်းသိရသည်။

TRN10

The River News TRN