ပြောချင်တာက ပြဌာန်းထားတဲ့ ငြိမ်းစုစီ ဥပဒေညွှန်ကြားချက်အတိုင်း သာမန်ဆန္ဒပြမှုကလွဲရင် တရားမဝင်တဲ့ ဆန္ဒပြမှုနဲ့ ခွင့်ပြုချက်မရှိတဲ့ ဆန္ဒပြမှု အဓိက ရုဏ်း တွေကို နိုင်ငံတိုင်းက အစိုးရတိုင်းက ဖြိုခွဲကြတယ် ။ NLD ပါတီ အုပ်ချုပ်ခဲ့တဲ့ ၅ နှစ်တာကာလမှာလည်း အစိုးရနဲ့ သဘောထားချင်းမတိုက်ဆိုင်တဲ့ ဆန္ဒပြမှုတွေတိုင်းကို ဖြိုခွဲခဲ့တာပဲ ။ ဖြိုခွဲမှုတွေတိုင်းမှာလည်း နည်းလမ်းအမျိုးမျိုးသုံးကြတယ်။
ဗုံးခွဲမှုတွေ နေ့စဉ်ဖြစ်နေတဲ့ မြို့ရဲ့ အနေအထား၊ လက်နက်ကိုင်ဆောင်ထားတဲ့ လုံခြုံရေးတပ်ဖွဲ့ဝင်တွေရဲ့မော်တော်ယာဉ်တွေကိုတောင် လက်ပစ်ဗုံးတွေ ပစ်သွင်းခံရတဲ့ အခြေအနေမျိုးနဲ့ တပ်ရင်းတစ်ရင်းစာ ကောင်းကောင်းဆင်လို့ ရတဲ့ လက်နက်/ခဲယမ်းတွေကို အုံလိုက်ကျင်းလိုက် ဖမ်းမိနေချိန်မျိုးမှာ ဆန္ဒပြမှုကို ဖြိုခွဲတဲ့ လုံထိန်းအဖွဲ့တွေအနေနဲ့ ရွှေပြည်အေးတရားတော့ ဟောမှာမဟုတ်ဘူး ။
နေရာအသီးသီးမှာ လုံခြုံရေးတာဝန်ထမ်းဆောင်နေကြတဲ့ တပ်ဖွဲ့ဝင်တွေ၊ မိသားစုတွေအနေနဲ့ မနေ့က ငါးမင်းဆွေပြောတဲ့ စကားနဲ့ ထွန်းမြတ်နိုင်ပြောတဲ့ စကားတွေကို နောင် ဘယ်အစိုးရတက်တက် မမေ့ကြဖို့လိုတယ် ။ နိုင်ငံရေးသမားတွေရဲ့ အခြေခံစိတ်ဓာတ်ဆိုတာ တပ်မတော်သားတွေနဲ့ တပ်မိသားစုဝင်တွေ သေခြင်း၊ အသတ်ခံရခြင်းနဲ့ မဆိုင်ဘူး။ သူတို့ လျှောက်လှမ်းမယ့်နိုင်ငံရေးလမ်းကြောင်းမှာ ဘယ်လိုချနင်းရမလဲဆိုတဲ့ အတွေးအခေါ် အယူအဆကသာ ထာဝစဉ် မှန်နေမယ့် အမှန်တရားဖြစ်တယ်။ ဖဆပလ နှစ်ခြမ်းကွဲဖြစ်စဉ်တွေမှာ တပ်မတော်အပေါ်ထားတဲ့ နိုင်ငံရေးသမားတွေရဲ့စိတ်ကို သမိုင်းမှာလည်း မြင်တွေ့နိုင်တယ် ။ နောက်တစ်ချက် သူပုန်စိတ်မွေးသူတွေရဲ့ အတွေးအခေါ်ကလည်း ဒီစိတ်မျိုးပဲ ရှိနေမယ်ဆိုတာ မမေ့ကြဖို့ လိုတယ် ။
(ဖိုးစီ)
