ယနေ့ ဗြောင်းဆန်နေတဲ့ အပြောင်းအလဲတွေ ကြားထဲက ကျနော် နှစ်သက်တဲ့ အချက်တွေကို ပြောချင်ပါတယ် ။
၁ ။ ရွေးကောက်ပွဲ သေချာပေါက် ကျင်းပပေးမည် ဟု ကတိပေး ။
(ထိမ်းရာမှ သိမ်းချင်လို့ ဟု စွတ်စွဲနေခြင်း အပေါ် ကျနော် ဆန့်ကျင်တဲ့အမြင် မှန်နေပါတယ် ၊ သိမ်းလိုက်လျှင် တပ်မတော်၏ သမိုင်းသည်ကား နောင် အနှစ် ၁၀၀ တိုင် အဖတ်ဆယ်လို့ ရမည် မဟုတ်တော့ ပါဘူး ၊ ရွေးကောက်ပွဲ လုပ်ကို လုပ်ရပါမည် ဟု ယုံကြည်ကာတယ်)
၂ ။ ရည်မှန်းကာလအား အတိအကျ ပြောဆိုသွားတာ သဘောကျပါတယ် ။
(လူလိမ် နိုင်ငံရေး သမားတွေလို မဟုတ်ပဲ တပ်မတော်သားပီပီ ရှင်းလင်းပြတ်သားစွာ ပြောသွားတာကို ရည်ညွှန်းပါတယ်)
၃ ။ ပြောင်းလဲသင့်သည့် ပုဂ္ဂိုလ်များအား ပြောင်းလဲခန့်ထားခြင်း အပေါ် သဘောကျပါတယ် ၊ ပြန်ဝန် အပြောင်းအလဲ အပေါ် အလွန် သဘောကျပါတယ် ။
၄ ။ တိုးချဲ့ ဖွဲ့စည်းသော ဝန်ကြီးဌာနများ အတွက် လုပ်အားကောင်းလာဖို့ မျှော်လင့်မိပါတယ် ။
(ဖြီးဖြန်း လွဲချမယ့်အရေးမှ ကင်းလွတ်သွားပါပြီ)
၅ ။ အိမ်စောင့်အစိုးရ ဟု အမည်ပြောင်းခြင်း အပေါ် အလွန်သဘောကျပါတယ် ။
(1958-60 အား ရည်ညွှန်းသကဲ့သို့ မိမိအိမ်အားစောင့်ရှောက်သလို နိုင်ငံတော်အား နိုင်နင်းစွာ စောင့်ရှောက်တော့မယ်လို့ အချက်ပြခြင်း ဖြစ်ပါတယ် ၊ သဘောမပေါက်သူများ အတွက် အကုသိုလ် အလုံးအရင်း နဲ့ စုပြုံလာပါတော့မယ်)
၆ ။ အကြမ်းဖက် ဥပဒေအား တိုးချဲ့ ခြင်း ပြင်ဆင်သည့်ဥပဒေ ပြဌာန်းလိုက်ခြင်းအား လှိုက်လှဲစွာ ကြိုဆိုပါတယ် ။
(ဒါကို ပေါ့ပေါ့လေး မတွေးကြပါနဲ့ အကြမ်းဖက်နဲ့ ငြိစွမ်းတာနဲ့ မိသားစုဝင် စည်းစိမ်တွေပါ သိမ်းပိုက်ခြင်း ခံရပြီး ဥပဒေရဲ့ ပြင်းထန်တဲ့ ဆုံးမခြင်းကို ခံစားရပါလိမ့်မယ် အင်မတန် ပြင်းထန်ထိရောက်မယ့် ဥပဒေမို့ ရိုးသားအေးချမ်းစွာ နေလိုတဲ့ သာမန်ပြည်သူမို့ ကြိုက်နှစ်သက်ပါတယ်)
အခြား အပြောင်းအလဲ များအပေါ်လည်း နှစ်သက်ပါတယ် ။ ရပ်ကျေး အဆင့်တွေ အတွက်လည်း လှုပ်ခတ်မှုတွေ သက်ရောက်ပါလိမ့်မယ် ။ ပင်စည်ကို ခါထုတ်နေပြီ ဖြစ်လို့ အဖျားအနားက အပုပ် အပဲ့ တွေလည်း ကြွေကျကြပါလိမ့်မယ် ။
ကျနော်တို့ ပြည်သူတွေအနေနဲ့ အိမ်စောင့်အစိုးရ ကြားနိုင်အောင် သတင်းမှန်တွေနဲ့ အဆက်မပျက် တင်ပြနေကြဖို့ပဲ လိုပါတယ် ။
အေးချမ်းတည်ငြိမ် ဖွံ့ဖြိုးတိုးတက်သော နိုင်ငံတော်သစ်ဆီသို့ ဝမ်းပန်းတသာ မျှော်မှန်းလျှက်
မျိုးဝင်း
