စစ်ကိုင်း၊ စက်တင်ဘာ ၂၂ (People Media)
စစ်ကိုင်းတိုင်းဒေသကြီး၊ ဝန်းသိုမြို့နယ်၊ ညောင်ပင်သာကျေးရွာအုပ်စု၊ အလယ်ခုံကျောင်းကျောင်းထိုင် ဆရာ တော် ဘဒ္ဒန္တတေဇိန္တသည် ဒလန်ဟု စွပ်စွဲခံရပြီးနောက် စက်တင်ဘာလ ၂၁ ရက်နေ့ နံနက် ၂ နာရီ အချိန်မှာ လူတစ်စုက ဆရာတော်ကို လုပ်ကြံသတ်ဖြတ်သွားခဲ့တယ်လို့ ကျောင်းထိုင်ဆရာတော်နဲ့ နီးစပ်သူတွေက People Media သို့ ပြောဆိုသည်။
ဖြစ်စဉ်မှာ စက်တင်ဘာလ ၂၁ ရက်နေ့ နံနက် ၂ နာရီ ၃၀ မိနစ်အချိန်၌ အမည်မသိသူ (၇) ဦးခန့်က တူမီး သေနတ်၊ ဓါးများကိုင်ဆောင်ကာ အလယ်ခုံဘုန်းတော်ကြီးကျောင်းထဲကို ဝင်ရောက်လာခဲ့ပြီး ဆရာတော် ဘဒ္ဒန္တတေဇိန္တကို ဓါးနဲ့ ထိုးသွင်းခဲ့သည်။
ဆရာတော်၏ ဖြစ်စဉ်အပေါ် ဆေးကုသမှုရရှိရန် ကျေးရွာသူ/သားများက ဝန်းသိုမြို့ ပြည်သူ့ဆေးရုံကို ပို့ ဆောင်ခဲ့ပေးခဲ့သော်လည်း ဒဏ်ရာတွေကြောင့် ပျံလွန်တော်မူခဲ့သည်။
ဆရာတော် ဘဒ္ဒန္တတေဇိန္တ ပျံလွန်တော်မူချိန်မှာတော့ သက်တော် ၄၈ နှစ်၊ ဝါတော် ၂၇ ဝါရှိပြီဖြစ်သည်။
#PeopleMedia #ဝန်းသိုမြို့
