၁။ ရွှေပေါက်ကံမြို့နယ်၊အမှတ်(၁၁)နေ ဦးစိန်မိုးအပါအဝင် မိသားစု (၃)ဦးကို လုံခြုံရေး အဖွဲ့များထံ သတင်းပေးဟုဆိုကာ လူသတ်မှုကျူးလွန်ခဲ့ကြသည့် တရားခံ (၁၄)ဦးအား ပုဒ်မ ၃၀၂(၁)(ခ)/၃၄/၄၃၆ အရ သေဒဏ်ပြစ်ဒဏ်ချမှတ်။
၂။ အဆိုပါလူသတ်မှု ကျူးလွန်ပြီးနောက် ရုပ်အလောင်းဖျောက်ဖျက်ရန် ကြိုးစားခဲ့ သည့် တရားခံ စန်းဦးအား ရာဇသတ်ကြီးပုဒ်မ ၂၀၁/၁၀၉ အရ ထောင်ဒဏ် (၇)နှစ် ပြစ်ဒဏ် ချမှတ်။
၃။ လှိုင်သာယာ အရှေ့ပိုင်း၊ အမှတ်(၂၀)၊ ဝေပုလ္လ(၇)လမ်းနေ ကိုကိုဇော်(ခ)ဟာလန်း မိသားစုအား သတင်းပေးဟု ဆိုကာ ဖမ်းဆီးရိုက်နှက်ခဲ့ကြသည့် တရားခံ(၄)ဦးအား ထောင်ဒဏ် (၂၀)နှစ် ပြစ်ဒဏ်ချမှတ်ခဲ့။
၄။ တိုင်းရင်းသားလက်နက်ကိုင်အဖွဲ့များတွင် စစ်သင်တန်းတက်ရောက်ခဲ့သည့် တရားခံ အောင်သက်ပိုင်အား ရာဇသတ်ကြီးပုဒ်မ ၁၂၄-ခ(က)အရ အလုပ်နှင့်ထောင်ဒဏ် (၁၀)နှစ် ပြစ်ဒဏ်ချမှတ်ခဲ့။
၅။ တိုင်းရင်းသားလက်နက်ကိုင်အဖွဲ့များမှ တဆင့် နိုင်ငံအတွင်းသို့ လက်နက်တင်သွင်း ရန် အကြိမ်ကြိမ်ကြိုးပမ်းခဲ့သည့် တရားခံ နေမျိုး(ခ)ချာလီအား ရာဇသတ်ကြီးပုဒ်မ ၁၂၄-ခ(ဃ)အရ အလုပ်နှင့်ထောင်ဒဏ်(၁၀)နှစ် ပြစ်ဒဏ်ချမှတ်ခဲ့။
၆။ ဒဂုံမြို့သစ်(ဆိပ်ကမ်း)မြို့နယ် အမှတ်(၃)အခြေခံပညာအထက်တန်းကျောင်းအား ဖျက်ဆီးခဲ့သည့် တရားခံများဖြစ်သော ဝင်းထွန်း၊ လာဘ(ခ)တင်အောင်၊ ဌေးလွင်နှင့် အောင်မျိုးသူတို့အား ပြည်သူပိုင်ပစ္စည်းကာကွယ်စောင့်ရှောက်ရေးအက်ဥပဒေ ပုဒ်မ ၆(၁) အရ အလုပ်နှင့်ထောင်ဒဏ်(၇)နှစ် ပြစ်ဒဏ်ချမှတ်ခဲ့။
ပြန်ချုပ်ကြည့်ရင် လူသတ်မှုကျူးလွန်ရင် သေစားသေစေ ပြစ်ဒဏ် ပေးပါတယ်။ အများပြည်သူကို နှောင့်ယှက်ရင် ထောင်ဒဏ် နှစ်(၂၀) ဖြစ်ပါတယ်။ တောတွင်းလက်နက်ကိုင်တွေဆီမှာ စစ်သင်တန်း တက်ရောက်ရင် ထောင်ဒဏ်(၁၀)နှစ် ဖြစ်ပါတယ်။ ပေါက်ကွဲစေတဲ့ လက်နက်/ခဲယမ်းတွေ တင်သွင်းတာမိရင် ထောင်ဒဏ် (၁၀)နှစ်ဖြစ်ပြီးတော့ အများပြည်သူပိုင် စာသင်ကျောင်းတွေကို ဖျက်စီးရင် ထောင်ဒဏ် (၇)နှစ်ဖြစ်ပါတယ်။
ရှေ့နေငှားခွင့်မရှိ။ ထုချေလွှာ တောင်းဆိုခွင့်မရှိ။ အသနားခံစာတင်သွင်းခွင့် မရှိဖြစ်လို့ တန်၏ မတန်၏ဆိုတာ လုပ်ဆောင်သူတွေရဲ့ ဆုံးဖြတ်ချက်အတိုင်း သာဖြစ်ပါတယ်။
#ဖိုးစီ
