(၉)ကြိမ်မြောက်ကျင်းပသည့် နိုင်ငံတကာလုံခြုံရေးအစည်းအဝေးတွင် တပ်မတော် ကာကွယ်ရေးဦးစီးချုပ် ပြောကြားခဲ့သည့် မိန့်ခွန်းကောက်နုတ်ချက် အကျဉ်း

၁။  နိုင်ငံတနိုင်ငံ၏ တည်ရှိမှုဖြစ်သော အချုပ်အခြာအာဏာပိုင်ဆိုင်မှုအပေါ်တွင် တခြားနိုင်ငံများအနေဖြင့် လေးစားမှုဖြင့် ဆက်ဆံဆောင်ရွက်သင့်။

၂။  အာရှ-အာရှပစိဖိတ် မဟာဗျူဟာအရ  အာရှပစိဖိတ်မှာရှိတဲ့ နိုင်ငံအချို့နဲ့ အာဆီယံ နိုင်ငံအချို့တို့ဟာ ပူးပေါင်း ဆောင်ရွက်ရမည်ဖြစ်။

၃။  အာဆီယံဒေသတွင်း နိုင်ငံများအနေဖြင့် အိန္ဒိယသမုဒ္ဒရာနှင့် ပစိဖိတ်သမုဒ္ဒရာ  နှစ်ခု အကြား ပေါင်းကူးပေးသည့် နေရာတွင် ရှိနေသည့်အပြင် ဒေသတွင်း တည်ငြိမ်ရေး၊ ငြိမ်းချမ်းရေး၊လုံခြုံရေးကိစ္စရပ်များတွင်  တနိုင်ငံခြင်းစီအလိုက် အချုပ်အခြာအာဏာ ပိုင်ဆိုင်မှုအား အပြန်အလှန် လေးစားမှု၊ နားလည်မှုတို့ဖြင့် ဆက်ဆံဆောင်ရွက်ရမည်ဖြစ်။

၄။  အခြားအင်အားကြီး နိုင်ငံများအနေဖြင့် နိုင်ငံတနိုင်ငံ၏ ပြည်တွင်းရေးကိစ္စရပ်များ တွင် ဝင်ရောက်စွက်ဖက်မှုများ မပြုလုပ်သင့်ဘဲ လေးစားလိုက်နာ ဆောင်ရွက်သွားရန် လိုအပ်။

၅။  အမျိုးသားအကျိုးစီးပွားဆိုင်ရာရှုမြင်ချက်နှင့် လုံခြုံရေးမဟာဗျူဟာဆိုင်ရာ ဦးစား ပေး သတ်မှတ်မှုများတွင် စံနှုန်းနှင့်တန်ဖိုးအရ ကွဲပြားခြားနားမှုများ ရှိနိုင်တာ တွေ့ရှိရ။

၆။  ဒေသတွင်းနိုင်ငံအချို့၏ ပဋိပက္ခအရေးကိစ္စရပ်များတွင် နောက်ကွယ်မှ ဖန်တီး နေမှုများ၊ အားပေးထောက်ပံ့နေမှုများ ရှောင်ရှားစေလိုပြီး “မီးလောင်ရာ လေပင့်”မလုပ် သင့်ကြောင်း သတိပေးလို။

၇။  အာရှ-ပစိဖိတ် ဒေသအတွင်း တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက် ကြိုးပမ်းဆောင်ရွက်ကြရာ၌ အပြန်အလှန် ယုံကြည်မှုများဖြင့် ပူးပေါင်းတည်ဆောက်ကြ ရန်လိုအပ်။

၈။  ဒေသတွင်းနိုင်ငံများ၏ အချုပ်အခြာအာဏာပိုင်ဆိုင်မှုနဲ့ တန်းတူညီမျှ တို့၌ နိုင်ငံ၏ အရွယ်အစား၊လူဦးရေတို့အား ထည့်သွင်းစဉ်းစားခြင်းမပြုဘဲ လေးစားစွာ ဆက်ဆံဆောင် ရွက်သင့်။

၉။  ဒီမိုကရေစီနှင့်လူ့အခွင့်အရေး အကြောင်းပြ၍ ပြည်တွင်းရေးကိစ္စရပ်များကို ဝင်ရောက်ခြယ်လှယ်လိုမှုများ၊ ဗိုလ်ကျစိုးမိုးလိုမှုများနှင့်တဖက်သတ် အယူဝါဒများ ကျင့်သုံးမှုများ ရှောင်ရှားသင့်။

၁၀။   နိုင်ငံတကာ အသိုင်းအဝိုင်းများအနေဖြင့် တရားမျှတခြင်း၊ တန်းတူတန်ဖိုးထားခြင်း ဖြင့် ကမ္ဘာ့ငြိမ်းချမ်းရေး၊ တည်ငြိမ်ရေး၊ စဉ်ဆက်မပြတ် ဖွံ့ဖြိုးတိုးတက်ရေးတို့တွင် ဆက်ဆံ ဆောင်ရွက်သင့်။

၁၁။  နိုင်ငံအရေးတွင်ဖြစ်စေ၊ နိုင်ငံရေးတွင်ဖြစ်စေ ရိုးသားမှု ရှိရန်လိုအပ်ပြီး မြန်မာနိုင်ငံ အနေဖြင့်လည်း ရိုးသားသည့် ဒီမိုကရေစီစနစ် ဖွံ့ဖြိုးတိုးတက်ရန်အတွက် ကြိုးပမ်းလျက် ရှိ။

၁၂။  အာဆီယံအဖွဲ့ဝင်နိုင်ငံ ဖြစ်သည့်အလျောက် အာဆီယံ၏ သဘောထားရပ်တည် ချက်များနှင့်အညီ အပြည့်အဝ ပူးပေါင်းပါဝင်ဆောင်ရွက်သွားမည်ဖြစ်။

#ဖိုးစီ

ကပ္ပတိန် ဘစီ