အာဆီယံ ဥက္ကဋ္ဌနဲ့ အတွင်းရေးမှူးတို့အနေနဲ့
တရုတ်နဲ့ သွားမဆွေးနွေးခင်မှာ
နစက ဥက္ကဋ္ဌနဲ့ တွေ့ပြီး
လိုအပ်တာတွေ ဆွေးနွေးကြဖို့အတွက်
မြန်မာနိုင်ငံကို တစ်ရက်ကြိုဝင်တယ်…….။
ပြီးတော့မှ
ဦးဝဏ္ဏမောင်လွင်က နောက်ကလိုက်ပြီး
တရုတ်မှာ ထပ်ဆွေးနွေးတယ်…..
အာဆီယံ+တရုတ်+မြန်မာဆွေးနွေးမှုအပြီးမှာ
ဒီအချက်တွေ သဘောတူညီမှုရခဲ့ကြောင်း
မြန်မာနိုင်ငံအခြေစိုက် တရုတ်သံရုံးက
ဒီကနေ့ ထုတ်ပြန်လာခဲ့တယ်…..
၁။ မြန်မာနိုင်ငံဟာ အာဆီယံရဲ့ မိသားစုဝင်ဖြစ်တယ်။
မြန်မာနိုင်ငံရဲ့ ပြည်တွင်းရေးကိစ္စကို
အာဆီယံအနေနဲ့ အပြုသဘောဖြေရှင်းပေးနိုင်ဖို့
လုပ်ဆောင်နေတဲ့အပေါ် အားပေးထောက်ခံတယ်။
၂။ သဘောတူညီမှုဘောင် ၅ ချက်အတိုင်း အစဉ်တစိုက်
ဆက်လက်ပူးပေါင်းဆောင်ရွက်သွားမယ်။
၃။ မြန်မာနိုင်ငံဟာ နယ်နမိတ်ခြင်းထိစပ်နေတဲ့
အိမ်နီးချင်းနိုင်ငံဖြစ်တဲ့အပြင် မြန်မာ့အရေးဟာ
တရုတ်နိုင်ငံအပေါ် အကျိုးသက်ရောက်မှုရှိနေတဲ့အတွက်
မြန်မာနိုင်ငံမှာ ဖြစ်ပေါ်နေတဲ့ အခြေအနေတွေမှာ
အပြုသဘောဆောင်တဲ့ အခန်းကဏ္ဍကနေ
ဆက်ပြီး ပါဝင်ကူညီပေးနေမယ်။
၄။ အကြမ်းဖက်မှု မှန်သမျှကို အတူတွန်းလှန်ကြဖို့လိုမယ်။
၅။ ဒီမိုကရေစီအသွင်ကူးပြောင်မှုလုပ်ငန်းတွေ
အမြန်ပြန်လည်စတင်နိုင်ဖို့ လိုတယ်။
၆။ တဖက်သက်ကန့်သတ်အရေးယူမှုတွေနဲ့
မသင့်လျော်တဲ့ ကြားဝင်မှုတွေ မဖြစ်ပေါ်စေဖို့အတွက်
ကုလသမဂ္ဂပဋိညာဉ်စာတမ်း”
ရည်ရွယ်ချက်နဲ့ မူဝါဒများအတိုင်း ရပ်တည်မယ်။
၇။ ကပ်ရောဂါနဲ့ဆိုင်တဲ့ အကူအညီတွေ
ဆက်လက်ပေးအပ်နေပြီးတော့ စီးပွားရေး
အမြန်ပြန်လည် ဦးမော့လာဖို့ ကူညီမယ်။
#ဖိုးစီ