🦠 အလွန်သတိထားမှ တော်ရုံကျတော့မယ်

သိပ်ကြောက်စရာ မလိုသလို

အရင်ထက်တော့လဲ ပိုသတိထားရလိမ့်မယ်၊

အရင်ဖြစ်တဲ့ Covid မှာ အသိအကျွမ်းထဲက ဖြစ်တာ

တဦးစ နှစ်ဦးစလောက်သာ တွေ့ရပေမဲ့....

ဒီတခေါက်မှာ အတော်များများတွေ့လာရတယ်

အထူးသဖြင့် ကျန်းမာရေး အသိနည်းသူ

စိတ်လှုပ်ရှား စိုးရိမ်စိတ်ကြီးသူ၊ အောက်စီဂျင်လိုအပ်သူ

စတာတွေအတွက် စိုးရိမ်မိတယ်၊

နေ့လည်စာ ထမင်းစားရင်း

ဇနီးသည်ဆီ ဖုန်းဝင်လာတယ်

သူစောင့်ရှောက်နေတဲ့ မယ်သီလရှင် စာသင်တိုက်မှာ

တပါး ကူးပြီး အောက်ဆီဂျင်လိုတဲ့ အဆင့်လို့သိရတယ်

ဆေးဝါး၊ ဓါတ်စာ၊ အောက်ဆီဂျင်စတာတွေ

စီစဉ်ရတော့တာပေါ့၊

တချို့ဆိုရင်

တရုတ်ဆေး (၂) လုံးထိုးထားပြီးသူတောင် ကူးတယ်

လုပ်ငန်းခွဲ တခုက ဆေးထိုးပြီးတယောက်ကူးလို့

အားလုံးကို work from home လုပ်လိုက်ရတယ်

ကူးစက်နှုံးက အတက်ဖက်ဆိုတော့

နောက် (၃-၄) ပါတ်လောက်အထိ သတိကြီးကြီး

ထားပါမှတော်ရုံ ကျပါလိမ့်မယ်၊

ဒီစာရေးနေတုန်း

ဆရာဝန်တယောက်ဆီက နောက်ဆုံးလက်ကျန်ဆေးကို

သွားယူခိုင်းပြီး၊ ဖြစ်နေသူဆီ ပို့ခိုင်းရသေးတယ်၊

မတတ်နိုင်ဘူး

နောက်ဆေးထပ်မှာပေးဖို့ ကုန်ကျငွေပေးပါ့မယ်

ဖြစ်နေသူတွေအတွက်လှုဖို့ပါဆိုပြီး Request လုပ်ရင်း

ပမာဏများလေတော့ အရေးပေါ်သုံး ငွေစာရင်းကို

မျက်စောင်းထိုးရပါတော့တယ်၊

................

ပါတီ CEC နဲ့  နိုင်သလောက်ကူကြဖို့

ညနေ ချိန်းထားတယ်၊  ပြသနာက လူမဆန်သူတွေရဲ့

ဇွပ် ဇွပ် ဇွပ်... တွေကြောင့် ကူတာတောင်

ပုန်းလျှိုး ကွယ်လျှိုး ကူကြရမဲ့ သဘောရှိတယ်

ဇွပ်  ဇွပ်  ဇွပ်တွေဟာ စဉ်းစားကြည့်ရင်

အတော် အကုသိုလ်များသူတွေပဲနော်။

ဒီအခြေအနေမျိုး၊ ဒီမြင်ကွင်းမျိုး

အမြန်ပျောက်ကင်းပါစေ၊ အေးချမ်းတဲ့ ကာလတခုကို

ရောက်ပါစေလို့ လဲ ဆုတောင်းမိတယ်။

#BaMaung.