🟣 " ကံ " (သို့) သိရန်ခက်သောအရာ

ဆန်းကြယ်သော

သိရန်ခက်သော အရာများထဲမှာ

"ကံ" တရားဟာ

တဦးချင်းနဲ့သက်ဆိုင်ပြီး

အနားမှာ ရှိနေတဲ့အရာပါ၊

...........

မက်ဂရေဂါနဲ့ ပိုရီရေးထိုးကြတယ်

မက် ရဲ့ထိုးပေါက်ပိုကြိုက်တယ်

ဒါပေမဲ့ သူ့အပြုအမူကိုမကြိုက်ဘူး

နိုင်ခြေ သူကပိုများတယ်

ပထမအချီမှာပဲ

ဘယ်ခြေ သွင်သွင်ကျိုးလို့ ရှုံးသွားတယ်

ဘာပြောမလဲ ?

ဖြစ်တောင့် ဖြစ်ခဲကိစ္စ

ကံတရားက သူ့ကိုမထိုးရပဲ ရှုံးစေလိုက်တာ။

..................

မြန်မာ့အခြေအနေကိုကြည့်

မထင်ပဲ ဒေါ်စု အစိုးရဖြစ်လာတယ်

ဒါပေမဲ့ သူမအနေနဲ့ ကံ မမွေးတတ်ဘူး

ကံ ကိုသုံးပဲ၊ သုံးတတ်သွားတယ်

မဆင်မခြင် ဘယ်လောက်တောင်

ကံ ကို ပစ္စလက္ခာသုံး ပစ်လိုက်သလဲဆိုရင်

ပြန်ပြုတ်ကျသွားတဲ့အထိကို ရူးမိုက်စွာ

သုံးသွားခဲ့တာ၊

ဖြစ်သင့်တာက

ကံ ပေးသလောက်လုပ်ကြ

ကံ ကုန်ရင် အေးအေးဆေးဆေး

အပြင်ကနေ အများအတွက် ပြန်ကူညီ

ဘာမှ လောဘတက်နေစရာမလိုဘူး၊

ဆိုးကံတွေ ထပ်ဖြစ်ဖို့ ဘာမှထပ်ကြိုးစား

နေဖို့မသင့်ဘူးလို့ပဲ မြင်တယ်။

လူဆိုတာ

တဘဝထဲပြီးမဲ့ကိစ္စမှမဟုတ်တာ

ဒါကိုသိထားဖို့လိုတယ်

နောက်တခုက

ကိုယ့်ကြောင့် အများ ဒုက္ခရောက်မဲ့ကိစ္စမျိုးကို

ရှောင်ရှားသင့်တယ်လေ ၊

....................

မြန်မာဟာ

Low trust 

Ego centric  community လို့နာမယ်ကြီးတယ်

ယုံကြည်မှု နိမ့်ပါးပြီး၊ အတ္တများတဲ့

လူ့အဖွဲ့အစည်းပေါ့၊ သုံးသပ်ချက်ကို ဖတ်ရတဲ့အခါ

ဒေါသ အနည်းငယ်ထွက်ပေမဲ့ သူတို့တွေ့ရှိချက်ကလဲ

မှန်နေပါလားလို့ လက်ခံလိုက်ပါတယ်၊

ဒါကြောင့်လဲ

အခုလိုဖြစ်စဉ်တွေကို တွေ့နေရတာ၊

မြန်မာဟာ

ဖြစ်ချိန်တန်လို့ ဖြစ်လာရတဲ့ ကြမ္မာအတိုင်း

မရှုမလှဖြစ်နေတာတွေ့ရတယ်၊

ရှေ့အစိုးရရဲ့ မဆင်မခြင်လုပ်မှု

နိုင်ငံတော်သစ္စာဖေါက်မှုတွေကြောင့်

အပြောင်းအလဲ ဖြစ်ခဲ့ရပြီး

လူမှု စီးပွား၊ နိုင်ငံရေး ဘက်စုံ ယိုယွင်းသွားချိန်မှာ

Covid ကထပ်ဖိစီးသွားတာ ခံလိုက်ရတယ်

နဲတဲ့ အကုသိုလ်တော့ မဟုတ်ဘူး

ဆေးစစ် : Positive အချိုးအရ

မနေ့က ၃၄% ၊ ပြီးတော့ Trend ကအတက်ဖက်

တော်တော်ခံရဦးမယ်နဲ့တူတယ်၊

.......................

တတ်သိ ပညာရှင်ဆိုပြီး

သုံးလေ့ရှိတယ်၊ အတတ်က အရင်လာတယ်

ပြီးမှ အသိဖက်ကို ကူးပြောင်းတဲ့သဘော။

CDM လုပ်သူတွေဟာ အတတ်ပညာရှင်တွေပါ

အသိပိုင်း လွဲမှားသွားလေတော့

အားလုံးနစ်နာကြရတော့တယ်၊

သင်ထားတဲ့ပညာတွေဟာ

နိုင်ငံအတွက်၊ လူ့အဖွဲ့အစည်းအတွက်၊ 

မိသားစုအတွက် ပဲဖြစ်သင့်တယ်

မှားယွင်းတဲ့ အသိကြောင့် မလိုလားအပ်တဲ့

ဆိုးကျိုးတွေ ဖြစ်လာရတော့တယ်၊

................

ဘာသာရေးရှုဒေါင့်က ချုပ်ရရင်

ဖြစ်ချိန်တန် လွှဲရှောင်မရဘူး

အသိနည်းကြရင် ပျက်စီးမှုပိုတယ်၊

လောလောဆယ်

Covid ကိုရင်ဆိုင်နေကြရပြီ

ပေးထားချက်က .... " မပြည့်စုံမှု "

ဒီတော့

အသိနဲ့ယှဉ်ပြီး တဦးချင်းပဲ

သက်သာအောင် နေကြရလိမ့်မယ်။

#နေဇင်လတ်  ( 12.7.21 ) 🪀